ဗီဒီယို။ မိုးရာသီတွင်အဖြစ်များသော ငါးရောဂါများကို ကြိုတင်ကာကွယ်ခြင်းနှင့်ကုသနည်းများ
“မိုးတွင်းကာလသည် ငါးမွေးတောင်သူများအတွက် ခက်ခဲသောကာလတစ်ခုဖြစ်ပါသည်။ မိုးသည်းထန်သော အချိန်သည် ရေ၏အရည်အသွေးကိုပြောင်းလဲနိုင်ပါ သည်။ အထူးသဖြင့် အောက်ဆီဂျင် level ကိုလျော့ကျစေပြီး ငါးများတွင် ဖိစီးမှုများ ဖြစ်ပေါ်စေနိုင်ပါသည်။”
“ယခု ဗီဒီယိုလေးမှာတော့ မိုးရာသီတွင် အဖြစ်များလေ့ရှိသော ငါးရောဂါများ၏ ကာကွယ်ကုသနည်းများ ကိုဖော်ပြပေးသွားမှာဘဲဖြစ်ပါတယ်ရှင်.”
နံပတ် ၁ . မှိုရောဂါဖြစ်ပွားခြင်း
“ငါးများမှိုရောဂါဖြစ်ပွားလျှင် ဆူးတောင်များနှင့်အရေပြားများပေါ်တွင် အဖြူရောင် သို့မဟုတ် မီးခိုးရောင် အကွက်များတွေ့ရှိရလေ့ရှိသည်။ ရေ၏အရည်အသွေးကိုကောင်းမွန်အောင်ထိန်းသိမ်းခြင်းသည် မှိုရောဂါများမဖြစ်ပွားစေရန် ကာကွယ်ခြင်း၏ အဓိကအချက်ဖြစ်ပါသည်။ မှိုရောဂါများဖြစ်ပွားနေပြီဆိုပါက ရောဂါပျောက်ကင်းစေနိုင်သော ဆေးများ အသုံးပြုခြင်း သို့မဟုတ် ကန်အတွင်းဆား များထည့်ပေးခြင်း တို့ ဆောင်ရွက်သင့်ပါသည်။
2. ဘက်တီးရီးယားများကျရောက်ခြင်း
“ငါးများတွင် ဘက်တီးရီးယားများကျရောက်လျှင် ဆူးတောင်များပုတ်ခြင်း၊ အနာများဖြစ်ပေါ်ခြင်းတို့ကို တွေ့ရလေ့ရှိပါသည်။ ရောဂါဖြစ်ပွားမှုမှကာကွယ်နိုင်ရန်အတွက် ကန်ရေကိုသန့်ရှင်းစွာထားပြီး ရေ၏အပူချိန်ကို တည်ငြိမ်အောင်ထိန်းညှိသင့်ပါသည်။ ရောဂါဖြစ်ပွားပါက ပြန်လည်ကောင်းမွန်စေရန်အတွက် ပဋိဇီဝဆေးများ သို့မဟုတ် ဆားအပျော့စားဖြင့် စိမ်ခြင်းကို ပညာရှင်၏ညွှန်ကြားချက်အတိုင်းလုပ်ဆောင်သင့်ပါသည်။
3. ကပ်ပါးပိုးများကျခြင်း
“ငါးများတွင်ကပ်ပါးပိုးများကျနေပါက အရေပြားပေါ်တွင်အဖြူရောင်အစက်အပြောက်များနှင့် အကျိအချွဲ များဖြစ်ပေါ်လေ့ရှိပါသည်။ ထိုသို့ဖြစ်ပေါ်နေပါက ကပ်ပါးကောင်များမပျံ့ပွားစေရန်အတွက် ဖြစ်ပွားနေသောငါးများကို သီးသန့်ခွဲထားသင့်ပါသည်။ ထို့နောက် ကန်ရေကို သန့်ရှင်းပြီး လေဝင်လေထွက်ကောင်းအောင်ထိန်းသိမ်းပါ။ ဆားရေစိမ်ခြင်း သို့မဟုတ် ကပ်ပါးပိုး သတ်ဆေးများအသုံးပြုခြင်းများကိုလည်း ပညာရှင်များ၏ညွှန်ကြားချက်အတိုင်း လုပ်ဆောင်သင့်ပါသည်။
အကြံပြုချက်အနေဖြင့်
ရေ၏အရည်အသွေးကိုပုံမှန်စစ်ဆေးခြင်း၊ ငါးများကို စစ်ဆေးခြင်းနှင့် သတိရှိစွာပြုစုစောင့်ရှောက်ခြင်းတို့သည် အထူးပင်အရေးကြီးလှပါသည်။ ထို့အတူ လိုအပ်ပါက ကန်ရေတွင်း လေသွင်းစက်များအသုံးပြုခြင်း၊ မုန်တိုင်းကျရောက်နေချိန်အတွင်း အစာကျွေးနှုန်းကိုထိန်းညှိခြင်း နှင့် ရေကြီးရေလျှံခြင်းအတွက် သင့်တော်သောရေမြောင်းများ စီစဉ်ထားခြင်းတို့ဆောင်ရွက်သင့်ပါသည်။
“သတိရှိစွာစောင့်ကြည့်ပါ၊စောစီးစွာကာကွယ်မှုလုပ်ဆောင်ပါ။
မိုးရာသီကာလအတွင်း မွေးမြူထားသောငါးများကျန်းမာရေးကောင်းမွန်ကာ အကျိုးအမြတ်များစွာရရှိနိင်ပါစေရှင်”
ဗီဒီယို သင်ခန်းစာ ကြည့်ပြီး ဖုန်းဘေကံစမ်းလို့ရပါတယ်နော်။
ဉာဏ်စမ်းဖြေဆိုရန်_ https://htwettoe.com/post/53153
ဉာဏ်စမ်း အဖြေမှန်သူများထဲမှ (၅) ဦးကို မဲစနစ်ဖြင့် ရွေးချယ်ပြီး ဖုန်းဘေလ် ၃၀၀၀ ကျပ်စီ ချီးမြင့်ပေးပါမည်။
Related Stories on Myanmar Net
မြန်မာနက် ရှိအခြား ဆက်စပ် ဆောင်းပါးများ
