2011-09-29 – အမြတ်ခွန်ဥပဒေကို ရုပ်သိမ်းသည့်ဥပဒေ

အမြတ်ခွန်ဥပဒေကို ရုပ်သိမ်းသည့်ဥပဒေ      
(၂ဝ၁၁ ခုနှစ်၊ ပြည်ထောင်စုလွတ်တော်ဥပဒေအမှတ် ၁။)      
၁၃၇၃ ခုနှစ်၊ သီတင်းကျွတ်လဆန်း ၂ ရက်      
(၂ဝ၁၁ ခုနှစ်၊ စက်တင်ဘာလ ၂၉ ရက်)      
ပြည်ထောင်စုလွတ်တော်သည်    ဤဥပဒေကို    ပြဋာန်းလိုက်သည်။      
၁။     ဤဥပဒေကို    အမြတ်ခွန်ဥပဒေကို    ရုပ်သိမ်းသည့်ဥပဒေဟု    ခေါ်တွင်စေရမည်။

၂။     (က) အမြတ်ခွန်ဥပဒေကို    ဤဥပဒေဖြင့်    ရုပ်သိမ်းလိုက်သည်။      
(ခ) ဤဥပဒေသည်    ၂ဝ၁၁-၂ဝ၁၂ စည်းကြပ်နှစ်အတွက်မှစ၍ အာဏာတည်စေရမည်။      
၃။     (က) ၂ဝ၁၁-၂ဝ၁၂ စည်းကြပ်နှစ်အတွက်မှစ၍ အမြတ်ခွန်ဥပဒေအရ စည်းကြပ်ရန် ကိစ္စရပ်များကို ဝင်ငွေခွန်       ဥပဒေပါ ပြဋာန်းချက်များနှင့်အညီ    ဆောင်ရွက်ရမည်။    
(ခ) ပုဒ်မခွဲ    (က)အရ ဆောင်ရွက်ရာတွင်    အခွန်ထမ်းက အမြတ်ခွန်ဥပဒေပုဒ်မ ၁၂ အရ      
ပေးသွင်းထားသော အခွန်ကို    ခုနှိမ်ပေးရမည်။

၄။ ၂ဝ၁၁-၂ဝ၁၂ စည်းကြပ်နှစ်မတိုင်မီက အမြတ်ခွန်ဥပဒေအရ စည်းကြပ်ရန်ကိစ္စရပ်များနှင့် ဆောင်ရွက်ဆဲကိစ္စရပ်များကို အမြတ်ခွန်ဥပဒေပါ ပြဋာန်းချက်များနှင့်အညီ ဆက်လက်ဆောင်ရွက် ရမည်။ ၅။ အမြတ်ခွန်ဥပဒေပုဒ်မ ၁၉ အရ ခွင့်ပြုသည့် ကင်းလွတ်ခွင့်နှင့် သက်သာခွင့်များသည် ဝင်ငွေခွန်ဥပဒေအရ ခွင့်ပြုသည့် ကင်းလွတ်ခွင့်နှင့် သက်သာခွင့်များအဖြစ် ဆက်လက်အကျိုး သက်ရောက်စေရမည်။

ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေအရ ကျွန်ုပ်လက်မှတ်ရေးထိုး သည်။

(ပုံ) သိန်းစိန်

နိုင်ငံတော်သမ္မတ

ပြည်ထောင်စုသမ္မတမြန်မာနိုင်ငံတော်