2015-07-15 – ပြည်ထောင်စု၏ ဘဏ္ဍာငွေအရအသုံးရေးဆွဲတင်ပြခြင်းဆိုင်ရာ ဥပဒေ

ပြည်ထောင်စု၏ ဘဏ္ဍာငွေအရအသုံးရေးဆွဲတင်ပြခြင်းဆိုင်ရာ ဥပဒေပြဋ္ဌာန်း(၂၀၁၅ ခုနှစ်၊ ပြည်ထောင်စုလွှတ်တော်ဥပဒေအမှတ် ၄၂။)၁၃၇၇ ခုနှစ်၊ ပထမဝါဆိုလပြည့်ကျော် ၁၄ ရက်(၂၀၁၅ ခုနှစ်၊ ဇူလိုင်လ ၁၅ ရက်) ပြည်ထောင်စုလွှတ်တော်သည် ဤဥပဒေကို ပြဋ္ဌာန်းလိုက်သည်။အခန်း(၁)အမည်၁။ ဤဥပဒေကို ပြည်ထောင်စု၏ ဘဏ္ဍာငွေအရအသုံးရှေးဆွဲတင်ပြခြင်းဆိုင်ရာ ဥပဒေ ဟု ခေါ်တွင်စေရမည်။အခန်း(၂)နှစ်စဉ် ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေကြမ်းနှင့် နောက်ထပ် ဘဏ္ဍာငွေ ခွဲဝေသုံးစွဲရေး ဥပဒေကြမ်းတို့ကို စိစစ်ခြင်း၂။ ပြည်ထောင်စုအစိုးရအဖွဲ့သည် နှစ်စဉ်ပြည်ထောင်စု၏  ဘဏ္ဍာငွေ အရအသုံး ဆိုင်ရာ ဥပဒေကြမ်းကို ပြည်ထောင်စု လွှတ်တော်သို့ နှစ်စဉ် ဇန်နဝါရီလ ၁၅ ရက်နေ့ မတိုင်မီ တင်သွင်းရမည်။၃။ ပြည်သူ့လွှတ်တော်နှင့် အမျိုးသားလွှတ်တော်တို့က နှစ်စဉ်ပြည်ထောင်စု၏ ဘဏ္ဍာငွေ အရအသုံးဆိုင်ရာ ကိစ္စရပ်များကို စိစစ်ရန်  တာဝန်ပေးအပ်ထားသော သက်ဆိုင်ရာကော်မတီများသည်  မိမိတို့၏  စိစစ်တွေ့ရှိချက်များကို  ဥပဒေကြမ်း ပူးပေါင်းကော်မတီနှင့် ပြည်သူ့ငွေစာရင်းပူးပေါင်းကော်မတီသို့ နှစ်စဉ် ဇန်နဝါရီလ ၃၀ ရက်နေ့မတိုင်မီ တင်ပြရမည်။၄။(က) ပြည်ထောင်စုလွှတ်တော်၏ ပြည်သူ့ငွေစာရင်းပူးပေါင်းကော်မတီသည် ပြည်ထောင်စုအစိုးရအဖွဲ့က တင်ပြသော နှစ်စဉ်ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေကြမ်းကို စိစစ်ပြီး ငွေကြေးဆိုင်ရာ သုံးသပ်ချက်ကို လက်ရှိဘဏ္ဍာရေးနှစ်၏ ဖေဖော်ဝါရီလ ၁၅ ရက်နေ့ မတိုင်မီ ပြည်ထောင်စု လွှတ်တော်သို့ တင်ပြရမည်။(ခ) ပြည်ထောင်စုလွှတ်တော်၏ ဥပဒေကြမ်းပူးပေါင်းကော်မတီသည် ပြည်ထောင်စု အစိုးရအဖွဲ့က တင်ပြသော နှစ်စဉ်ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေကြမ်းကို စိစစ်ပြီး ဥပဒေဆိုင်ရာ သုံးသပ်ချက်ကို လက်ရှိဘဏ္ဍာရေးနှစ် ဖေဖော်ဝါရီလ ၁၅ ရက်နေ့ မတိုင်မီ ပြည်ထောင်စု လွှတ်တော်သို့ တင်ပြရမည်။(ဂ) ပြည်ထောင်စုလွှတ်တော်သည်    ပြည်သူ့ငွေစာရင်းပူးပေါင်းကော်မတီနှင့်   ဥပဒေကြမ်း ပူးပေါင်းကော်မတီတို့၏  တင်ပြချက်များနှင့် ပြည်ထောင်စု လွှတ်တော် ကိုယ်စားလှယ်များ၏ ဆွေးနွေးချက်များကို ပြည်ထောင်စု လွှတ်တော် ဆိုင်ရာဥပဒေ၊ နည်းဥပဒေများနှင့်အညီ လိုအပ်သလို ဆောင်ရွက်ရမည်။၅။ပြည်ထောင်စုအစိုးရအဖွဲ့သည် နောက်ထပ်ဘဏ္ဍာငွေ ခွဲဝေသုံးစွဲရေး ဥပဒေ ကြမ်းကို လိုအပ်ပါက ပြည်ထောင်စုလွှတ်တော်သို့ နှစ်စဉ် အောက်တိုဘာလ ၃၁ ရက်နေ့ မတိုင်မီ တင်သွင်းရမည်။၆။    ပြည်သူ့လွှတ်တော်နှင့် အမျိုးသားလွှတ်တော်တို့က နောက်ထပ်ဘဏ္ဍာငွေ ခွဲဝေသုံးစွဲရေး ကိစ္စရပ်များကို စိစစ်ရန် တာဝန်ပေးအပ်ထားသော သက်ဆိုင်ရာ ကော်မတီများသည် မိမိတို့၏ စိစစ်တွေ့ရှိချက်များကို ဥပဒေကြမ်း ပူးပေါင်း ကော်မတီနှင့် ပြည်သူ့ငွေစာရင်း ပူးပေါင်းကော်မတီသို့ နှစ်စဉ် နိုဝင်ဘာလ ၇ ရက်နေ့ မတိုင်မီတင်ပြရမည်။၇။ (က) ပြည်ထောင်စုလွှတ်တော်၏ ပြည်သူ့ငွေစာရင်းပူးပေါင်းကော်မတီသည် ပြည်ထောင်စု အစိုးရအဖွဲ့က တင်ပြသော နောက်ထပ်ဘဏ္ဍာငွေခွဲဝေ သုံးစွဲရေးဥပဒေကြမ်းကို စိစစ်ပြီး ငွေကြေးဆိုင်ရာ သုံးသပ်ချက်ကို လက်ရှိဘဏ္ဍာရေးနှစ်၏ နိုဝင်ဘာလ ၁၅ ရက်နေ့မတိုင်မီ ပြည်ထောင်စု လွှတ်တော်သို့ တင်ပြရမည်။(ခ) ပြည်ထောင်စုလွှတ်တော်၏ ဥပဒေကြမ်းပူးပေါင်းကော်မတီသည် ပြည်ထောင်စု အစိုးရအဖွဲ့က  တင်ပြသော  နောက်ထပ်ဘဏ္ဍာငွေ ခွဲဝေ သုံးစွဲရေးဥပဒေကြမ်းကို စိစစ်ပြီး ဥပဒေဆိုင်ရာ သုံးသပ်ချက်ကို လက်ရှိ ဘဏ္ဍာရေးနှစ် နိုဝင်ဘာလ ၁၅ ရက်နေ့ မတိုင်မီ ပြည်ထောင်စု လွှတ်တော်သို့ တင်ပြရမည်။(ဂ) ပြည်ထောင်စုလွှတ်တော်သည်     ပြည်သူ့ငွေစာရင်း ပူးပေါင်းကော်မတီနှင့် ဥပဒေကြမ်းပူးပေါင်းကော်မတီတို့၏ တင်ပြချက်များနှင့် ပြည်ထောင်စု လွှတ်တော် ကိုယ်စားလှယ်များ၏ ဆွေးနွေးချက်များကို ပြည်ထောင်စု လွှတ်တော်ဆိုင်ရာ  ဥပဒေ၊   နည်းဥပဒေများနှင့်အညီ လိုအပ်သလို ဆောင်ရွက်ရမည်။အခန်း(၃)နှစ်စဉ်ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေကြမ်းနှင့်အတူ ပူးတွဲပါရှိရမည့်အချက်များ ပူးတွဲတင်ပြရမည့် စာရွက်စာတမ်းများ၈။ပြည်ထောင်စုအစိုးရအဖွဲ့သည် ပြည်ထောင်စုလွှတ်တော်သို့ နှစ်စဉ် ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေကြမ်းကို တင်သွင်းရာတွင် အရအသုံး ခန့်မှန်းခြေငွေစာရင်း၊  အရအသုံးခန့်မှန်းခြေငွေစာရင်းဆိုင်ရာ   အကျဉ်းချုပ် ဇယားများ၊ ဘဏ္ဍာငွေအရအသုံးဆိုင်ရာ ဥပဒေကြမ်းနှင့်အတူ အောက်ပါစာရွက် စာတမ်းများ ပူးတွဲတင်ပြရမည်-(က) ဘဏ္ဍာရေးကော်မရှင်၏ ထောက်ခံတင်ပြချက်၊(ခ)ဘဏ္ဍာရေးဝန်ကြီး၏  ရှင်းလင်းတင်ပြချက်တွင် အောက်ပါအချက်များ ပါဝင်ရမည်-(၁) နှစ်လတ်ဘဏ္ဍာရေး လျာထားချက်၊(၂) ဘဏ္ဍာရေး မဟာဗျူဟာ မူဝါဒ၊(၃) မက်ခရို စီးပွားရေးအခြေအနေ ဖော်ပြချက်၊(၄) နှစ်စဉ် ရသုံးခန့်မှန်းခြေငွေစာရင်းနှင့် စပ်လျဉ်းသည့် ပြည့်စုံသော ရှင်းလင်းဖော်ပြချက်များ၊(၅) ဘဏ္ဍာရေးဝန်ကြီး၏  ယခင်နှစ်  ရှင်းလင်းတင်ပြချက် အပေါ် ဆောင်ရွက်ပြီးစီးမှု အခြေအနေ၊(၆)ဝန်ကြီးဌာနအလိုက် ယခင်နှစ် ရည်မှန်းလျာထားချက်များ အပေါ် အကောင်အထည်ဖော် ဆောင်ရွက်နိုင်မှု အခြေအနေ၊(၇) နိုင်ငံတော်၏ ကြွေးမြီ အရပ်ရပ် အခြေအနေတင်ပြချက်၊(ဂ) ပြည်သူများ လွယ်ကူရှင်းလင်းစွာ သိရှိစေနိုင်သည့် ဘတ်ဂျက်ဆိုင်ရာ အနှစ်ချုပ် ဖော်ပြချက်၊(ဃ) နိုင်ငံတော်ပိုင် စီးပွားရေးအဖွဲ့အစည်းများ၏ ကုန်သွယ်မှုအရှုံးအမြတ် စာရင်းများနှင့် ဘဏ္ဍာရေးအခြေအနေ ဖော်ပြချက်။နှစ်လတ်ဘဏ္ဍာရေး လျာထားချက်၉။ပြည်ထောင်စုအစိုးရအဖွဲ့သည်  နှစ်လတ်ဘဏ္ဍာရေး လျာထားချက်တင်ပြရာတွင် ယမန်နှစ်၏ ရှေ့ပြေးအမှန်၊ လက်ရှိနှစ်၏ ပြုပြင်ပြီး ခန့်မှန်းခြေ စာရင်း၊ တင်ပြသည့် ဘဏ္ဍာရေးနှစ်၏   ခန့်မှန်းခြေစာရင်း၊  ရှေ့လာမည့်  နှစ်နှစ်အတွက် မျှော်မှန်းချက် စာရင်းများကို လက်ရှိနှစ်၏ စျေးကွက် စျေးနှုန်းများဖြင့် အောက်ပါအချက်များ ပါဝင်စေလျက် ဖော်ပြရမည်-(က) ရငွေ၊(ခ) သုံးငွေ၊(ဂ) ဘတ်ဂျက်လိုငွေ၊(ဃ) လိုငွေကိုဖြည့်ဆည်းခြင်း၊(င)ကြွေးမြီလျာထားချက်။၁၀။ပြည်ထောင်စု အစိုးရအဖွဲ့သည်    နှစ်လတ်ဘဏ္ဍာရေး   လျာထားချက်ကို ရှင်းလင်း တင်ပြရာတွင် ဝင်ငွေခန့်မှန်းချက်၊ အခြေခံလျာထား အသုံးစာရင်း ရရှိသည့် ဘဏ္ဍာရေးအခြေအနေ၊  လုပ်ငန်းအစီအစဉ်သစ်များအတွက်  လိုအပ်သော အသုံးစရိတ်နှင့် ထပ်မံလိုအပ်ငွေကို ဖြည့်ဆည်းခြင်းတို့ကို ဖော်ပြရမည်။ဘဏ္ဍာရေးမဟာဗျူဟာမူဝါဒ   ၁၁။ပြည်ထောင်စုအစိုးရအဖွဲ့သည် ဘဏ္ဍာရေး မဟာဗျူဟာမူဝါဒနှင့် စပ်လျဉ်း၍ တင်ပြရာတွင် အောက်ပါ အချက်များကို ထည့်သွင်းဖော်ပြရမည်-(က) ဘဏ္ဍာရေး မူဝါဒနှင့် စပ်လျဉ်း၍ ခြုံငုံသုံးသပ်ခြင်း၊(ခ) တင်ပြသည့် ဘဏ္ဍာရေးနှစ်အတွက် ဘဏ္ဍာရေးမူဝါဒနှင့် စပ်လျဉ်း၍ အောက်ပါ အတိုင်း အသေးစိတ်ဖော်ပြရမည်-(၁) အခွန်ဆိုင်ရာမူဝါဒ၊(၂) အသုံးစရိတ်မူဝါဒ၊(၃) ချေးယူခြင်း၊ ထုတ်ချေးခြင်း၊ ရင်းနှီးမြှုပ်နှံခြင်းနှင့် သက်ဆိုင်သော မူဝါဒ။(ဂ) တင်ပြသည့် ဘဏ္ဍာရေးနှစ် အတွက် ဦးစားပေးမှုအစီအစဉ်များ၊(ဃ) တင်ပြသည့် ဘဏ္ဍာရေးနှစ်အတွက် လျာထားချက်များ၊(င) မူဝါဒနှင့်စပ်လျဉ်း၍ သုံးသပ်ချက်၊(စ) အခြားလိုအပ်ချက်များ။မက်ခရို စီးပွားရေးအခြေအနေဖော်ပြချက်၁၂။နိုင်ငံတော်၏  မက်ခရိုစီးပွားရေးအခြေအနေဖော်ပြချက်နှင့်  စပ်လျဉ်း၍ တင်ပြရာ တွင် အောက်ပါအချက်များကို ထည့်သွင်းဖော်ပြရမည် -(က) စီးပွားရေးအခြေအနေနှင့် စပ်လျဉ်း၍ ခြုံငုံသုံးသပ်ခြင်း၊(ခ) ဂျီဒီပီ(GDP)တိုးတက်မှုနှုန်း၊(ဂ)ပို့ကုန်၊ သွင်းကုန်၊ အရန်ငွေကြေး၊ ကုန်သွယ်မှု လိုငွေ ပိုငွေ၊(ဃ)ငွေကြေး၊ ဘဏ်စနစ်နှင့် အရင်းအနှီးဈေးကွက်၊(င)ပြည်ထောင်စုအစိုးရ၏ ဘဏ္ဍာရေးဆိုင်ရာ အခြေအနေ၊(စ) မက်ခရိုစီးပွားရေးအခြေအနေ အလားအလာများ။အခန်း(၄)နှစ်စဉ်ပြည်ထောင်စု၏ဘဏ္ဍာငွေ အရအသုံးဆိုင်ရာဥပဒေကြမ်း ပြုစုခြင်း၁၃။ပြည်ထောင်စု ဘဏ္ဍာရန်ပုံငွေပြင်ပမှ     ဆောင်ရွက်သောကိစ္စများနှင့် စပ်လျဉ်း၍ ဥပဒေ ရေးဆွဲပြဋ္ဌာန်းပြီးမှ သုံးစွဲဆောင်ရွက်ရမည်။၁၄။တိုင်းဒေသကြီး သို့မဟုတ် ပြည်နယ်များအတွက် ဖြည့်စွက်ရန်ပုံငွေ လိုအပ်ချက် ရှိပါက  နှစ်စဉ်  ပြည်ထောင်စု၏  ဘဏ္ဍာငွေအရအသုံးဆိုင်ရာ   ဥပဒေတွင် ဖော်ပြ ထားသည့် သတ်မှတ်ချက်များနှင့်အညီ ခွင့်ပြုနိုင်သည်။၁၅။ပြည်ပချေးငွေနှင့် ပြည်ပထောက်ပံ့ငွေများကို ဝန်ကြီးဌာနအလိုက် ဖော်ပြရမည်။၁၆။နှစ်လတ် ဘဏ္ဍာရေးလျာထားချက်ကို ရေးဆွဲဖော်ပြရာတွင် လာမည့်နှစ်နှစ် အတွက် တိုင်းဒေသကြီးနှင့် ပြည်နယ်များသို့ လျာထားသည့် ထောက်ပံ့ငွေနှင့် ချေးငွေများကို တိုင်းဒေသကြီးနှင့် ပြည်နယ်များမှ ကြိုတင်သိရှိနိုင်ရန် ဖော်ပြ ထည့်သွင်းလျာထားရမည်။၁၇။ပြည်ထောင်စုဝန်ကြီးဌာနများ၊ နိုင်ငံတော်ပိုင် စီးပွားရေး အဖွဲ့အစည်းများ၊ ပြည်ထောင်စုဘဏ္ဍာရန်ပုံငွေပြင်ပမှ ဆောင်ရွက်သော နိုင်ငံတော်ပိုင် စီးပွားရေး အဖွဲ့အစည်းများက ပြည်ပမှ ငွေချေးယူခြင်းအတွက် နိုင်ငံတော်ကိုယ်စား ဘဏ္ဍာရေး ဝန်ကြီးဌာနက  အာမခံခြင်းနှင့် စပ်လျဉ်း၍ ပြည်ထောင်စု လွှတ်တော်၏ ခွင့်ပြုချက်ဖြင့်သာ ဆောင်ရွက်ရမည့်အပြင် ထိုကဲ့သို့ အာမခံ ထားငွေ စုစုပေါင်းကို နှစ်စဉ် ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေကြမ်းတင်ပြရာတွင် ထည့်သွင်းဖော်ပြရမည်။အခန်း(၅)အစီရင်ခံစာ တင်သွင်းခြင်း၁၈။ ဘဏ္ဍာရေးဆိုင်ရာ အကောင်အထည်ဖော်ဆောင်ရွက်မှုအခြေအနေ နှစ်ဝက် အစီရင်ခံစာကို   သက်ဆိုင်ရာဘဏ္ဍာရေးနှစ်၏   အောက်တိုဘာလအတွင်းတွင် ပြည်ထောင်စုလွှတ်တော်သို့ ပြည်ထောင်စုအစိုးရအဖွဲ့၏ ကိုယ်စား ဘဏ္ဍာရေး ဝန်ကြီးက တင်ပြရမည်။၁၉။သက်ဆိုင်ရာ ဘဏ္ဍာရေးနှစ်အတွက် အကောင်အထည်ဖော်ဆောင်ရွက်မှု အခြေအနေ နှစ်ပတ်လည်အစီရင်ခံစာကို ပြည်ထောင်စုလွှတ်တော်သို့ ပြည်ထောင်စု အစိုးရအဖွဲ့၏ ကိုယ်စား ဘဏ္ဍာရေးဝန်ကြီးက တင်ပြရမည်။အခန်း(၆)အထွေထွေ၂၀။ဤဥပဒေကို အကောင်အထည်ဖော် ဆောင်ရွက်ရာတွင်-(က) ဘဏ္ဍာရေးဝန်ကြီးဌာနသည် နည်းဥပဒေများ၊ စည်းမျဉ်းနှင့်စည်းကမ်းများကို ပြည်ထောင်စု အစိုးရအဖွဲ့၏ သဘောတူညီချက်ဖြင့် ထုတ်ပြန်နိုင်သည်။(ခ) ဘဏ္ဍာရေးဝန်ကြီးဌာနနှင့် ရသုံးမှန်းခြေငွေစာရင်းဦးစီးဌာနတို့သည် အမိန့် ကြော်ငြာစာ၊ အမိန့်၊ ညွှန်ကြားချက်နှင့် လုပ်ထုံးလုပ်နည်းများကို ထုတ်ပြန်နိုင်သည်။                                   ဖွဲ့စည်းပုံအခြေခံဥပဒေဆိုင်ရာပုဒ်မ ၁၀၆ ပုဒ်မခွဲ(ဂ)နှင့် ပုဒ်မ ၁၀၇ တို့အရ ဤဥပဒေကို ထုတ်ပြန်သည်။