တရုတ်နိုင်ငံနှင့်တင်းမာမှုများမြင့်တက်လာခြင်းကြောင့် အိန္ဒိယက TikTok ကို ပိတ်ပင်

အိန္ဒိယနိုင်ငံအီလက်ထရောနစ်နှင့်သတင်းအချက်အလက်နည်းပညာ ဝန်ကြီးဌာနမှ အိန္ဒိယပြင်ပရှိဆာဗာများမှ မိုဘိုင်းအက်ပလီကေးရှင်းများ သုံးစွဲသူအချက်အလက်များကို အလွဲသုံးစားမှု၊ လွဲချော်မှုနှင့် ပတ်သက်ပြီးတိုင်ကြားချက်များစွာ ကိုလက်ခံရရှိခဲ့သည်ဟု တနင်္လာနေ့ကထုတ်ပြန်ခဲ့သည်။ ဝန်ကြီးဌာနမှ တားမြစ်ခြင်းခံရမည့် အက်ပ် ၅၉ ခုတွင် ထင်ရှားသည့်တရုတ်အက်ပလီကေးရှင်းများလည်း ပါဝင်သည် ဟုသိရသည်။ တရုတ်နည်းပညာကုမ္ပဏီကြီး Bytedance ပိုင်ဆိုင်သော TikTok သည်လူကြိုက်အများဆုံးဗီဒီယိုပလက်ဖောင်းတစ်ခုဖြစ်ပြီး၊ အိန္ဒိယနိုင်ငံတွင်သုံးစွဲသူသန်း ၁၂၀ ကျော်ရှိသည့် အကြီးဆုံးစျေးကွက်တစ်ခုလည်း ဖြစ်သည်။

အိန္ဒိယအစိုးရ၏ကြေညာချက်တွင်တရုတ်နိုင်ငံအားအမည်ြဖင့် မဖော်ပြထားသော်လည်း၊ နှစ်လအတွင်းအနည်းဆုံးအိန္ဒိယစစ်သား ၂၀ ဦး သေဆုံးခဲ့ပြီး၊ နှစ်နိုင်ငံအကြားစစ်ရေးတင်းမာမှုများဆက်လက်မြင့်တက်လာသဖြင့် ဤတားမြစ်ချက်ထွက်ပေါ်လာခြင်းဖြစ်သည် ဟုသိရသည်။ အိန္ဒိယနိုင်ငံသားအများစုက တရုတ်၏အဓိကနည်းပညာစက်မှုလုပ်ငန်းများတွင် တရုတ်ကုန်ပစ္စည်းများနှင့် ဝန်ဆောင်မှုများကို အထူးသဖြင့် သပိတ်မှောက်ရန်တောင်းဆိုခဲ့ကြသည်။

တားမြစ်ခံရသော တရုတ်အက်ပလီကေးရှင်းများတွင် အခြားနာမည်ကြီး တရုတ်အက်ပလီကေးရှင်းများဖြစ်သော Clash of Kings ဗီဒီယိုဂိမ်း၊ WeChat messaging app၊ လူမှုရေးကွန်ယက် Weibo နှင့်ဓာတ်ပုံ app CamScanner တို့ပါဝင်သည်။