အိန္ဒိယအစိုးရ၏ TikTok အားပိတ်ပင်မှုအပေါ် TikTokသုံးစွဲသူများ၏ တုံ့ပြန်မှု

ယခုလအစောပိုင်းက ဖြစ်ပွားခဲ့သော အိန္ဒိယနှင့်တရုတ်နှစ်နိုင်ငံကြားနယ်စပ်တိုက်ပွဲကြောင့် အနည်းဆုံးအိန္ဒိယတပ်သား ၂၀ သေဆုံးခဲ့ကာ အိန္ဒိယမှ အချုပ်အခြာအာဏာထိပါးမှုနှင့်ပက်သက်၍ TikTok အသုံးပြုခြင်းအား တနင်္လာနေ့က တားမြစ်ခဲ့သည်။ အိန္ဒိယမှ ပိတ်ပင်ထားသော အက်ပလီကေးရှင်း ၅၉ ခုတွင် TikTok အပြင်တရုတ်နိုင်ငံ၏ Messaging platform ဖြစ်သော WeChat နှင့် UC Browser လည်းပါဝင်သည်။

TikTok အသုံးပြုသူများသည် ၎င်းတို့ဖန်တီးထားသော ဗွီဒီယိုများကို Instagram နှင့် YouTubeတို့တွင်‌ေပြာင်းလဲတင်ခဲ့ကြကာ  မင်းသမီးShraddha Arya ကလည်း Instagram နှင့် Facebook မှလွဲ၍ သူမ၏ TikTokကိုလည်းဖျက်သိမ်းခဲ့သည်။ ထို့အပြင် အချို့က Instagramအသုံးပြုနည်းနှင့်ပက်သက်သော ဗီဒီယိုများလည်း မျှဝေခဲ့ကာ အချို့ကမူအစိုးရ၏လှုပ်ရှားမှုများကိုသဘောတူပြီး#ByeTikTok hashtag ပါသောနှုတ်ဆက်သည့်ဗီဒီယိုကိုတင်ခဲ့သည်။TikTokတွင် Follower ၃.၂သန်းမျှရှိသော မင်းသမီး Ashnoor Kaur  ကလည်း အစိုးရ၏လုပ်ဆောင်မှုကိုထောက်ခံခဲ့ပြီး သူမ၏ TikTok အကောင့်ကိုလည်း ဖျက်သိမ်းမည်ဟု India TV ၏ အင်တာဗျူးတွင် ဖြေကြားခဲ့သည်။

TikTok အား အိန္ဒိယအစိုးရမှကလေးများအားလိင်ပိုင်းဆိုင်ရာကျူးလွန်သူများ၊ ညစ်ညမ်းရုပ်ပုံစာပေနှင့်ဆိုက်ဘာအနိုင်ကျင့်မှုများနှင့်ထိတွေ့နိုင်သည်ဟုဆုံးဖြတ်ခဲ့ပြီး ပြီးခဲ့သည့်နှစ်ကလည်း ခေတ္တပိတ်ပင်ထားခဲ့ကာ တရားရုံး၏ဆုံးဖြတ်ချက်ကိုကုမ္ပဏီအယူခံဝင်ပြီးတစ်ပတ်အကြာတွင်ပြန်လည်အသုံးပြုခွင့်ပေးခဲ့သည်။
Sensor Tower ကုမ္ပဏီ၏လေ့လာမှုအရ အိန္ဒိယသည် TikTokအား အသုံးပြုမှုအများဆုံးဖြစ်ကာ ၂၀၁၇ မှစတင်၍ သန်း၆၆၀နီးပါးအသုံးပြုခဲ့ကြသည်။မကြာသေးမီက ကမ္ဘာတစ်ဝန်းတွင်လူကြိုက်များလာပြီး ဇန်နဝါရီမှမတ်လအထိ ၃၁၅သန်း ဒေါင်းလုပ်ဆွဲယူခဲ့ကြောင်း Analytics ကုမ္ပဏီမှပြောကြားခဲ့သည်။TikTok သည်ယခုအခါ Download ပေါင်း ၂ ဘီလီယံကျော်ရှိခဲ့ပြီးလွန်ခဲ့သောတစ်နှစ်ကထက်နှစ်ဆတိုးလာခဲ့သည်။