Astanor မှရန်ပုံငွေ ဒေါ်လာ ၃၂၅ သန်းအား AGRI-FOOD TECH STARTUPS တွင်ရင်းနှီးမြှုပ်နှံ

BERLINမြို့၊Nov 20ရက်နေ့ ရိုက်တာသတင်းများအရ-

Astanor Venturesဟာ ဘာလင်အခြေစိုက်မြို့ပြလယ်ယာလုပ်ငန်းဖြစ်သော Infarm နှင့် ပြင်သစ်နိုင်ငံအင်းစက်ပိုးမွေးမြူရေးလုပ်ငန်း(Ynsect)တို့ကိုငွေကြေးထောက်ပံ့နေသော အကျိုးတူစီးပွားရေးလုပ်ငန်းတစ်ခုဖြစ်ပါတယ်။ သူဟာ “အကျိုးပြုနိုင်သောစားသောက်ကုန်များ၊စိုက်ပျိုးရေးနှင့်အဏ္ဏဝါနည်းပညာဆိုင်ရာစတင်တည်ထောင်မည့်သူများတွင် ရင်းနှီးမြှပ်နှံရန်အတွက်ရန်ပုံငွေကိုဒေါ်လာ(325)သန်းအထိတိုးမြှင့်လိုက်ပြီဖြစ်ကြောင်း”သောကြာနေ့ကပြောကြားခဲ့ပါတယ်။

ဤထောက်ပံ့ငွေဟာ စားနပ်ရိက္ခာထောက်ပံ့မှုကိုပိုမိုခံနိုင်ရည်ရှိစေပြီးတပြိုင်နက်ထဲမှာပဲစိုက်ပျိုးရေးကဏ္ဍရဲ့ပတ်ဝန်းကျင်အပေါ်ထိခိုက်စေသောအားနည်းချက်များကို လျော့ချနိုင်ရန်ကြိုးပမ်းနေသောစွန့်ဦးလုပ်ငန်းများကိုအလေးပေးသွားမှာဖြစ်ပါတယ်”လို့ Astanor ရဲ့ပြောကြားချက်အရသိရပါတယ်။

“ကျွန်တော်တို့စားသုံးနေတဲ့အစားအသောက်တွေနဲ့ကျွန်တော်တို့နေထိုင်နေတဲ့ပတ်ဝန်းကျင်အကြားမှာတိုက်ရိုက်ချိတ်ဆက်မှုရှိတာလောက်သိသာတာမရှိဘူး”လို့အကျိုးတူစီးပွားရေးလုပ်ငန်း Astanor ၏တွဲဖက်တည်ထောင်သူလည်းဖြစ်၊ပါတနာလည်းဖြစ်သူ Eric Archambeauမှပြောကြားခဲ့ပါတယ်။

စားသုံးသူများ၊ မွေးမြူရေးလုပ်ငန်းများ၊ မြစ်များ၊ ပင်လယ်များ၊ မြေဆီလွှာ၊ အပင်များနှင့်လေထုကိုဆက်သွယ်ပေးသောဂေဟစနစ်အရအစိတ်အပိုင်းတစ်ခုပျက်စီးသွားသည့်အခါ ကျန်တဲ့စိတ်အပိုင်းများအားလုံးထိခိုက်ခံစားကြရမှာဖြစ်ပါတယ်။

ရင်းနှီးမြှုပ်နှံမှုအားလုံးဟာကုလသမဂ္ဂ၏ရေရှည်တည်တံ့ခိုင်မြဲသောဖွံ့ဖြိုးရေးရည်မှန်းချက်များကိုထောက်ပံ့ပေးမှာဖြစ်ပြီး နိုင်ငံတကာအသိုင်းအ၀ိုင်းမှ၂၀၁၅ခုနှစ်တွင်အတည်ပြုခဲ့ပါတယ်။ဆင်းရဲနွမ်းပါးမှုကိုတိုက်ဖျက်ရန်နှင့် ၂၀၃၀ ပြည့်နှစ်တွင်သဘာဝပတ်ဝန်းကျင်ကိုအကာအကွယ်ပေးပြီးလူတိုင်းအတွက်သာယာဝပြောမှုရှိစေရန်တို့ပါ၀င်ပါတယ်။

ကိန်းဂဏန်းများအရစိုက်ပျိုးရေးကဏ္ဍသည် အစိမ်းရောင်ဖန်လုံအိမ်ဓာတ်ငွေ့(Greenhouse Gas)ရဲ့ သုံးပုံတစ်ပုံကိုထုတ်လုပ်ပြီးကမ္ဘာ့ရေချို၏ ၇၀% စိုက်ပျိုးရေး​လုပ်ငန်းမှာကုန်ဆုံးပါတယ်။ထုတ်လုပ်သောအစားအစာများရဲ့၄၀% ကတော့အလဟသဖြစ်သွားတာ သို့မဟုတ် စျေးကွက်ထဲပင်မရောက်လိုက်ရတာမျိုးရှိပါတယ်။

Archambeau နှင့်ပူးတွဲတည်ထောင်သူ George Coelho ဟာ ယခင်ထဲက Balderton Capital ရဲ့ရင်းနှီးမြှုပ်နှံမှုရန်ပုံငွေကိုတည်ထောင်ခဲ့ပါတယ်။
အခြားသူများအကြားမှာ Music streaming service Spotifyတွင် အစောပိုင်းရင်းနှီးမြှုပ်နှံသူများလည်းဖြစ်ပါတယ်။

၂၀၁၇ ခုနှစ်တွင်စတင်တည်ထောင်ပြီးကတည်းက Astanor ဟာဥရောပနှင့်အမေရိကန်ကုမ္ပဏီပေါင်း ၂၀ ကျော်တွင်ရင်းနှီးမြှုပ်နှံခဲ့ပါတယ်။ပြင်သစ်အင်းဆက်ပိုးမွှားမွေးမြူရေးလုပ်ငန်း Ynsect တွင်အဓိကရင်းနှီးမြှုပ်နှံသူလည်းဖြစ်ပြီးမကြာသေးမီကဘာလင်အခြေစိုက်မြို့ပြလယ်ယာလုပ်ငန်း InFarm ကိုထောက်ပံ့ခဲ့ပါသေးတယ်။

ဥရောပအကျိုးတူအရင်းအနှီးရန်ပုံငွေများအားယခုနှစ်တွင်ယူရို ၅.၉ ဘီလီယံ (ဒေါ်လာ ၇ ဘီလီယံ) ရရှိခဲ့ပါတယ်။ထို့ကြောင့် ၂၀၂၀ ကိုစံချိန်တင်နှစ်တစ်နှစ်ဖြစ်ခဲ့ပြီး ပြီးခဲ့သည့် ၂၀၁၈ ခုနှစ်တွင်စံချိန်တင်ခဲ့သော ယူရို ၅.၅ ဘီလီယံထက်မြင့်တက်လာခဲ့သည်ဟု startup tracker Dealroom.coရဲ့မှတ်တမ်းများအရသိရပါတယ်။($ 1 = 0.8419 ယူရို)