HEALTH
မုန်ညှင်းထုပ်စိုက်ပျိုးရန်နည်းလမ်းကောင်းများ
မုန်ညှင်းထုပ်ကို ကမ္ဘာအနှံ့အပြားမှာစိုက်ပျိုးကြသော်လည်း မူရင်းဒေသကတော့ တရုတ်ပြည်မြောက်ပိုင်း၊ ရှန်တော်င်ဒေသဖြစ်တယ်လို့ယူဆကြပါတယ်။ အများဆုံးစိုက်ပျိုးတဲ့ဒေသေတွေကတော့ တရုတ်၊ဂျပန်နှင့် အာရှတောင်ပိုင်းတို့ဖြစ်ပါတယ်။
မုန်ညှင်းထုပ်ကိုအမျိုးအစားခွဲခြားရင် အရှည်မျိုးနဲ့အပုမျိုးဆိူပြီးရှိပါတယ်။ သက်တမ်းအားဖြင့် သက်ရင့်မျိုး၊ သတ်လတ်မျိုးနှင့် သက်ကြီးမျိူးဟူ၍ ၃မျိုးခွဲခြားနိုင်ပါတယ်။မုန်ညှင်းထုပ်ကဂေါ်ဖီမျိုးရင်းထဲမှာပါ၀င်ပြီးတော့ အေးတဲ့ရာသီဥတုကိုကြိုက်နှစ်သက်ပါတယ်။
စိုက်ပျိုးနိုင်သောမြေနှင့်ရာသီဥတု
မြေသြဇာပြည့်စုံရန်အရေးကြီးသဖြင့် မြေညံ့တွင် နောက်ချေး၊ မြေဆွေးများများထည့်ပေးရန်လိုပါတယ်။ အထူးသဖြင့်ရေမ၀ပ်သောမြေဖြစ်ရမည်ဖြစ်ပြီး ခြောက်သွေ့လွယ်တဲ့မြေလည်းမဖြစ်ရပါဘူး။ ph ၅.၃မှ ၆.၅အထိစိုက်ပျိုးနိုင်ပါတယ်။ ကယ်လ်ဆီယမ်ဓာတ်နည်းသောမြေမှာစိုက်ပျိုရင်တော့ အူတိုင်ပုပ်နိုင်ပါတယ်။ မိုးများသောရာသီမှာ ရောဂါအလွန်ကျတတ်သောကြောင့် မိုးနည်းသောအချိန်ကိုရွေးစိုက်ဖ်ို့လိုပါတယ်။ အအေးကြိုက်တဲ့သီးနှံဖြစ်တာကြောင့်အအေးဒဏ်ကို တော်တော်ခံနိုင်ပါတယ်။ တစ်နှစ်ပတ်လုံးမိုးရေချိန်သင့်တင့်စွာရရှိတဲ့ဒေသတွေမှာဆို တစ်နစ်ပတ်လုံးစိုက်ပျိုးလို့ရပါတယ်။ အသင့်တော်ဆုံးအပူချိန်ကတော့ ၁၅-၂၀ ဒိီဂရီစင်တီဂရိတ်ဖြစ်ပါတယ်။
မျိုးစေ့နှုန်းထားအနေနဲ့ တစ်ဧကလျှင် ၁၀၀-၂၀၀ ဂရမ်အထိ စိုက်ပျိုးလို့ရပါတယ်။
မြေသြဇာနှုန်းထားများကတော့ တစ်ဧကအတွက် နွားချေး ၁၀မှ၁၅တန် ၊ ယူရီးယား ၂၂၄ပေါင်၊ တီစူပါ ၁၁၂ပေါင်၊ ပိုတက်ရှ်၅၆ပေါင်တို့ဖြစ်ပါတယ်။
မုန်ညှင်းထုပ်ကိုစိုက်ပျိုးရာမှာ ပျိုးမထောင်ဘဲတိုက်ရိုက်စိုက်ပျိုးတာကပိုကောင်းပါတယ်။အောက်ဖော်ပြပါ အပင်ကွာဝေးဆုံသည့်နေရာတွင် မျိုးစေ့၁စေ့ခန့်ချ၍ မြေနှင့်ပါးပါးအုပ်ပေးရပါမယ်။သတ်လျင်မျိုးဆိုလျှင် အတန်းအကွာအဝေး၂ပေ အပင်အကွာအဝေး ၁ပေခွဲ၊သက်ကြီးမျိုး အတန်းအကွာအဝေး၂ပေခွဲ၊အပင်အကွာအဝေး ၁.၈ပေ၊ သတ်လတ်မျိုးအပင်အကွာအဝေးမှာ သက်ကြီးမျိုးနှငိ့ သက်လတ်မျိုးကြားဖြစ်ပါတယ်။ရာသီတုပူပြင်းတဲ့နေရာတွေမှာတော့ အစေ့ချထားတဲ့နေရာကို ကောက်ရိုးနှငိ့ပါးပါးအုပ်ဖို့လိုပါတယ်။မျိုးစေ့မစိုက်ပျိုးမီအာဂရ်ိုဆန်ဆေးမှုန့်ဖြင့်လူးပေးရပါမယ်။
မုန်ညှင်းထုပ်အမြစ်ဟာ မြေပေါ်ပိုင်းတွင်သာ ရှိသောကြောင့် အမြစ်များ မထိခိုက်မိစေရန် သတိပြုရပါမယ်။ အတတ်နိုင်ဆုံးပေါင်းလိုက်၊ မြေဆွခြင်းကို အကြိမ်နည်းနည်းနှငိ့ နှိင်နိုင်နင်းနင်း ဆောင်ရွက်ရန်လိုပါတယ်။ အပင်ခြေရင်းကိုမြေတင်ပေးရာ၌ အပင်၏ အောက်အရွက်ကြီးများ မြေကြီးနှင့် မပိစေရန် ဂရုပြုရပါမယ်။
မုန်ညှင်းထုပ်ဟာအစိုဓာတ်ကိုကြိုက်နှစ်သက်သော်လည်း ရေ၀ပ်ခြင်းကိုတော့ ကြောက်ပါတယ်။ အထူးသဖြင့် အပင်စထုပ်လာသောအချိန်တွင် ရေပိုလိုအပ်ပါတယ်။ အပင်ထုပ်လာပြီး ဆက်လက်ကြီးထွားမှုမရှိပါက နိုက်ထရိုဂျင် ဓာတ်မြေသြဇာ ထည့်ပေးဖို့လိုအပ်ပါတယ်။
ရိတ်သိမ်းခြင်း
မုန်ညှင်းထုပ်ကျစ်ပြီးမာလာတာနဲ့ စတင်ရိတ်သိမ်းရပါမယ်။ စိုက်ခင်းထဲမှာကြာမြင့်စွာထားရှိလျှင် အထုပ်ကွဲလာခြင်း၊ ပုပ်သွားခြင်းတို့ဖြစ်တတ်ပါတယ်။ အထုပ်ရဲ့အပြင်ဘက်အဆုံး အရောင်ပျကိနေသောအရွက်များကို ခွာပစ်ဖို့လိုပါတယိ။ မုန်ညှင်းထုပ်အကာအကွယ်ရစေရန်အတွက် အောက်အရွက် ၃ရွက်ကို ချန်ထားပြီးဆက်လက်ခူးယူနိုင်ပါတယ်။
တစ်ဧကအတွက် ၅၀၀၀မှ ၇၀၀၀ပိဿာထွက်ပါတယ်။
မြေပြန့်ဒေသများတွင်မျိုးစေ့ထုတ်လုပ်နိုင်သော်လည်း အပူချိန် ၅ ဒီဂရီစင်တီဂရ်ိတ်အောက် ကျဆင်းသွားမှသာ ပွင့်တံထွက်လာနိုင်ပါတယ်။
![Myanmar Net NEWS ® မြန်မာနက်](https://shwe.net/news/wp-content/themes/click-mag/images/logos/logo.png)