၀က်ချေး၊ကြက်ချေး၊ နွားချေး၊EMဖျော်ရည်တို့ဖြင့် မြေဆွေးပြုလုပ်နည်း

ဤနည်းသည် အိမ်ခြံ၀င်းတွင်းရှိ အမှိုက်သရိုက်များ မြက်ခြောက်များလည်း သန့်ရှင်းစေပြီး၊ မြေဆွေးလည်းရရှိနိုင်သော နည်းလမ်းတစ်ခုဖြစ်ပါတယ်။

ခြံ၏သင့်တော်သောနေရာတွင် ၄ပေ×၄ပေ အနက် ၄ပေကျင်းတူးရပါမယ်။

ကျင်းနှုတ်ခမ်းကို မိုးရေစီးမ၀င်နိုင်အောင် မြှင့်ပေးထားရပါမယ်။

၎င်းအထဲသို့ ခြံရှိအမှိုက်များ၊ မီးဖိုချောင်အမှိုက်များ၊ ပြာများ နှုတ်သိမ်းလိုက်သော သီးနှံပင်အရ်ိုးများကို ၆လက်မတစ်လွှာထည့်ပြီး EM ဖျော်ရည်နှင့် တင်လဲရည်ရော၍ ပက်ဖြန်းပေးရပါမယ်

ဒုတိယအလွှာကို ၀က်ချေး၊ ကြက်ချေး၊ နွားချေး ရရာကို ၆လက်မထုထည့်ပြီး EM ဖျော်ရည်နှင့် တင်လဲရည် ပက်ဖြန်းပေးရပါမယ်။

(EM ဖျော်ရည်ဆိုသည်မှာ Effective Microorganism ဖြစ်ပြီး အကျိုးပြုအဏုဇီ၀ပိုးများဖြစ်ပါတယ်။ စွန့်ပစ်အမှိုက်များနှင့် တိရစ္ဆာန်အညစ်အကြေးများတွင် အနံ့ဆိုးများကင်းစေကာ ဇီ၀မြေသြဇာ (bio fertilizer) ဖြစ်စေပါတယ်။ အပင်များကို မြေသြဇာအဖြစ်အသုံးပြုပါက ရရှိသော သီးစားပင်များမှတစ်ဆင့် လူ၏ အူလမ်းကြောင်းထဲတွင်ရှိသော အကျိုးပြုဘက်တီးရီးယားမျာကို ပွားများစေပြီး ရောဂါတစ်ချို့ကို ပျောက်စေကြောင်း ပညာရှင်များကဆိုကြပါတယ်။ )

ဖော်ပြပါအလွှာအတိုင်း ကျင်းနှုတ်ခမ်းပြည့်သည်အထိ ထည့်ပြီး မိုးရေနှင့် နေရောင်ခြည် တိုက်ရိုက်မကျရောက်နိုင်ရန် အမိုးတဲမိုးပေးရပါမယ်။ လေလုံပြီး အလင်းရောင် မရစေရန် နှစ်စပ်အလွှာပေါ်၌ တာပေါ်လင်စဖုံးပေးပါ။

၂ပတ်လျှင် တစ်ကြိမ် EM ဖျော်ရည်ကို ပက်ဖြန်းသင့်ပြီး၂လကျော်လျှင် ကျင်းမှ ထုတ်၍ အခြောက်ခံဇကာချကာ၊ အသုံးပြုနိုင်သော မြေဆွေးမှုန့်ကိုရပါတယ်။

ဖော်ပြပါ ၄ပေ ၄ပေ အမြင့် ၄ပေ ကျင်း၂ကျင်း တူးပြီး အလှည့်ကျပြုလုပ်ပေးခြင်းဖြင့် မြေဆွေးကိုအဆက်မပြတ်အသုံးပြုနိုင်ပါတယ်။