ဆင်ရန်ပုံငွေရှာရန် Elephant in Zoom အစီစဥ်ပြုလုပ်

Covid-19 ​ရဲ့ရိုက်ခတ်မှု​ဟာအပြည်ပြည်ဆိုင်ရာခရီးသွားလုပ်ငန်းကိုများစွာထိခိုက်သဖြင့် ထိုင်းနိုင်ငံမြောက်ပိုင်းရှိဆင်စခန်း ၈၅ ခုအားပိတ်ပစ်ရန်သတင်းများအရသိရပါတယ်။ ဤအခြေအနေကိုရင်ဆိုင်ဖို့အတွက် zoom app ဖြင့် video call အစည်းအဝေးခေါ်ပြီး ရန်ပုံငွေရှာရန်ကမ်းလှမ်းခဲ့ပါတယ်။

အစီစဥ်နာမည်ကိုလည်း Elephant in Zoom လို့ပေးထားပါတယ်။ အလေးချိန်သုံးတန်ရှိတဲ့ဒီဆင်လေးတွေပါ၀င်ခြင်းက online meeting ကိုအနည်းငယ်ပျော်ရွှင်မှု ရစေဖို့စီစဥ်တာဖြစ်ပါတယ်။

zoom meeting မှာ ဆင်လေးတွေနဲ့ ၁၀မိနစ် ခေါ်ဆိုမှုအတွက် အမေရိကန်ဒေါ်လာ ၇၀ကျသင့်မှာဖြစ်ပြီးတော့ အမေရိကန်ဒေါ်လာ ၁၄၅ကုန်ကျသူအတွက်ဆိုရင်တော့ ခေါ်ဆိုသူဟာ ဆင်ထိန်းကျွမ်းကျင်သူတွေနဲ့ သုံးမိနစ်ကြာအမေးအဖြေ ပြုလုပ်လို့ရမှာဖြစ်ပါတယ်။

ဒီလိုအကြံညဏ်ကောင်းကိုပေးတာကတော့သြစတြေးလျလူမှုဖူလုံရေးဆိုင်ရာကူညီမှုဖြစ်သော Human Elephant Learning Program Foundation (H-ELP) နှင့် Golden Triangle Asian Elephant Foundation (GTAEF) တို့ဖြစ်ပြီး Anantara Golden Triangle Elephant Camp and Resort နှင့် အကျိုးအမြတ်မယူပဲပူးပေါင်းဆောင်ရွက်ခဲ့တာဖြစ်ပါတယ်။

ပြပွဲရဲ့ အဓိကသရုပ်ဆောင်လေးတွေဟာဆိုရင်
ထိုင်းနိုင်ငံမြောက်ပိုင်းအပန်းဖြေစခန်းရဲ့ဧက၂၀၀ကျော်ကိုကျင်လည်ကျက်စားနေတဲ့ဆင်၂၃ကောင်ပဲဖြစ်ပါတယ်။

ကနဦးအစီစဥ်အရတော့ zoom meeting ရဲ့မျက်နှာပြင်ပေါ်မှာ ဆင်လေးတွေပါ၀င်လာခြင်းက (အားလုံးကိုကြိုတင်စာရင်းပေးထားသူမှလွဲ၍)meetingမှာပါတဲ့သူတွေကိုအံ့အားသင့်စေဖို့အတွက်ဖြစ်ပါတယ်လို့ Anantara ရဲ့ အုပ်စုဒါရိုက်တာ John Roberts ကပြောပါတယ်

ဒီရက်ပိုင်းတွေမှာ ဆင်စခန်းဆီလာတဲ့လူတွေသိသိသာသာနည်းလာပါတယ်။ ထိုင်းနိုင်ငံဟာပိတ်ထားပေမယ့်လို့ ပြည်တွင်းမှာရှိတဲ့လာရောက်ကြည့်ရှု့ချင်တဲ့သူတွေအတွက်တော့ဖွင့်ပေးထားပါတယ်။ ဇူလိုင်လ ၁ရက်နေ့ကစလို့ လာရောက်လည်ပတ်သူအချို့တွေရှိခဲ့ပါတယ်။ဒါပေမဲ့ ၀င်ငွေအလုံလောက်တော့မရရှိခဲ့ပါဘူး လို့ Robertsကပြောပါတယ်။

Covid-19 ကြောင့်ထိုင်းနိုင်ငံရဲ့ဖမ်းဆီးရမိသောဆင် ၃၈၀၀အပေါ် ဆိုးကျိုးတွေသက်ရောက်စေခဲ့ပါတယ်။အချို့ကလည်းငွေစုဆောင်းရန်အတွက်ရုန်းကန်နေကြရသည်။ သို့သော်များစွာသောသူတွေကတော့ သူတို့ရဲ့ ဆင်လေးတွေကို ကျွေးမွေးဖို့အလုံလောက်ရရှိနိုင်တဲ့ တောရိုင်းထဲကိုပဲ ပြန်လွှတ်ပေးခဲ့ရတယ်လို့ Robertsကပြောပါတယ်။

GTAEF ကဒီစွန့်ပစ်ခံလိုက်ရတဲ့ဆင်လေးတွေကိုခေါ်ယူပေးပါတယ်။ ဆင်လေးတွေကိုဂရုစိုက်တဲ့သူတွေကို လိုအပ်တဲ့အရင်းမြစ်တွေငှားရမ်းပေးခြင်းအပြင် စောင့်ရှောက်ပေးဖို့တိရစ္ဆာန်ဆရာ၀န်၁၄ယောက်ကိုလည်းထောက်ပံ့ခဲ့ပါတယ်။

ဆင်ထိန်းသိမ်းသူတယောက်ဖြစ်တဲ့ Mahouts ဟာဆိုရင် ဆင်လေးတွေကိုကျွေးမွေးဖို့ ၁နေ့ကိုအမေရိကန်ဒေါ်လာ၂၀ခန့်လိုအပ်ကြောင်းကို Roberts ကပြောကြားခဲ့ပါသေးတယ်။

ဒီ video အစည်းအဝေးပွဲမှ မှရရှိသောရန်ပုံငွေအားလုံးကို H-ELP နှင့် GTAEF မှမျှဝေပေးသွားမှာဖြစ်ပါတယ်။