ပြည်ထောင်စုအဘိဓာန် အသုံးပြုနည်း

 

ဘာသာကွဲအလိုက်ရှာဖွေနည်း

• မြန်မာများအတွက် အထူးပြုလုပ်ထားသော တိုင်းရင်းသားဘာသာ ပေါင်းစုံအဘိဓာန်တွင် အလေးထားစရာ အချက်တစ်ချက် ရှိပါသည်။ ဘာသာစကား မျိုးစုံ စာလုံးများဖြင့် Multi-Lingual Search စာမျက်နှာ တွင် ဘာသာကွဲအလိုက် အတိအကျ ရှာဖွေနိုင်ပါသည်။ ဆိုလိုသည်မှာ-
• ဥပမာ- “ကဲ” ဆိုသည့် စကားလုံးသည် မြန်မာဘာသာတွင်ရော၊ ကရင် ဘာသာတွင်ရော အဓိပ္ပါယ် သီးသန့်စီ ရှိပါသည်။
• ထို့ကြောင့် ကရင်အဓိပ္ပါယ်ဖြင့် ရှာဖွေလိုလျှင်-
  ပထမ ဦးစွာ Multi-Lingual Search စာမျက်နှာကို သွားပါ။
  ဒုတိယ အနေဖြင့် မိမိ ရှာလိုသည့် ဘာသာစကားနှင့် သက်ဆိုင်ရာ အကွက် ကိုရှာပါ။
  တတိယ အဆင့်တွင် ယခု ဥပမာအတိုင်း စကောကရင်/Sgaw Kayin ဘေးမှ အကွက်ထဲတွင် ကဲ ဟု ရိုက်ထည့်ပြီး ရှာကြည့်ပါမည်။ ရိုက်ပြီးလျှင်
  စတုတ္ထ အဆင့်အနေဖြင့်၊ အောက်ဆုံးမှ Search ဆိုသည့် ခုလုတ်ကို နှိပ်လိုက်ပါ။
  (အောက်ပါ screen shot  ကို ကြည့်ပါ။)
  
• အောက်ပါပုံတွင် ပြထားသည့်အတိုင်း ကဲ ဆိုသည့် စကောကရင် ဘာသာစကားလုံး၏ အဓိပ္ပါယ် ပေါ်လာပါမည်။ မြန်မာဘာသာဖြင့် “လုပ်နိုင်ကိုင်နိုင်သော၊ တတ်နိုင်သော”၊ အင်္ဂလိပ်ဘာသာဖြင့် “able” ဟု အဓိပ္ပါယ်ကို ဖွင့်ဆို ရှင်းလင်းပြသည်ကို အောက်ပါအတိုင်း မြင်တွေ့ရမည် ဖြစ်ပါသည်။
• ဤဥပမာအတိုင်း တိုင်းရင်းသား  ပါဠိ၊ အင်္ဂလိပ် အပါအဝင် ဘာသာစကား ပေါင်းစုံဖြင့် ရှာဖွေ အသုံးပြုနိုင်ပါကြောင်း တင်ပြအပ်ပါသည်။

 

ပါဝင်သည့် အဘိဓာန်များ

• ပြည်ထောင်စုအဘိဓာန် တွင် ယခုလောလောဆယ် အောက်ပါ ဘာသာစကား အဘိဓာန်များ ပါဝင်ပါသည်။ နောက်ထပ် ဘာသာစကား အမျိုးမျိုးကိုလည်း မကြာမီ ဆက်လက် ထပ်တိုးသွားရန် ကြိုးစားလျက် ရှိနေပါသည်။

1. မြန်မာ အဘိဓာန် / Myanmar Dictionary,
2. ကချင် အဘိဓာန် / Kachin Dictionary / Jingpho Dictionary
3. စကောကရင် အဘိဓာန် / Sgaw Kayin Dictionary
4. ပိုးကရင် အဘိဓာန် / Pwo Kayin Dictionary
5. ချင်း အဘိဓာန် / Chin Dictionary
6. ဟားခါးချင်းအဘိဓာန် / Haka Chin Dictionary
7. တီးတိန်ချင်းအဘိဓာန် / Tedim Chin Dictionary
8. မွန်အဘိဓာန် / Mon Dictionary
9. ရှမ်းအဘိဓာန် / Shan Dictionary
10. မီဇိုချင်းအဘိဓာန် / Mizo Dictionary
11. ရဝမ်vRawang Dictionary
12. အခါအဘိဓာန် / Akha Dictionary
13. ပါဠိအဘိဓာန် / Pali Dictionary
14. ?

 

ပါဝင်ပူးပေါင်းကူညီပါ

ပြည်ထောင်စုအဘိဓာန် ပရောဂျက်သည် မြန်မာနိုင်ငံတွင် မရှိသေးသည့် ကွက်လပ်များ ဖြည့်ဆည်းနိုင် ပြုလုပ်သော အများအကျိုးပြု CSR အစီအစဉ် တစ်ခု ဖြစ်ပါသည်။ ပြည်ထောင်စုအဘိဓာန် ပရောဂျက် လှူဒါန်းလိုသည် ဖြစ်စေ၊ ထပ်မံတိုးချဲ့ရန်အတွက် ပါဝင်ပူးပေါင်းကူညီလိုသူများ ရှိပါက ကျွန်တော်တို့ #MyanmarNet #မြန်မာနက် က အမြဲ လက်ကမ်းကြိုဆိုလျက် ရှိပါသည်။ အချိန်မရွေး ဆက်သွယ် နိုင်ပါတယ်။

⦿ www.မြန်မာ.net ⦿ www.Myanmars.Net ⦿ www.shwe.net