ကျေးဇူးတော်နေ့ပွဲတော်အတွက်ကုန်ကျသည့်အစားအစာစရ်ိတ်များကျဆင်း

လွန်ခဲ့သောနှစ်မှ ရိုးရာကျေးဇူးတော်နေ့အစားအစာ ကုန်ကျစရိတ်ရဲ့ ၄% ကျဆင်းခဲ့ပါတယ်လို့ အမေရိကန်လယ်ယာဌာနဗျူရိုအဖွဲ့ချုပ်၏ ၃၅ နှစ်မြောက်စစ်တမ်းအရသိရပါတယ်။ကျေးဇူးတော်နေ့စားသောက်ပွဲတော်ရဲ့ အဓိကပါဝင်ပစ္စည်းဖြစ်တဲ့ကြက်ဆင်ဟာဆိုရင် ၇ ရာခိုင်နှုန်းကျဆင်းသွားပါတယ်။ယခုနှစ် ကျေးဇူးတော်နေ့ ပွဲတွင် ၁၀ ပွဲလျှင်ဒေါ်လာ ၄၆.၉၀ သို့မဟုတ်၁ဦးလျှင်ဒေါ်လာ ၅.၀၀ အောက်သာရှိပါတယ်။ကြာသပတေးနေ့ကထုတ်ပြန်ခဲ့သည့်စစ်တမ်းရလဒ်များအရဒီစျေးဟာပြီးခဲ့သည့်နှစ်ပျမ်းမျှဒေါ်လာ ၄၈.၉၁ ဒေါ်လာမှ ၂.၀၁ ဒေါ်လာကျဆင်းခဲ့တာဖြစ်ပါတယ်။

ကြက်ဆင်ဟာလည်းမနှစ်ကထက်စျေးပိုနည်းပြီး ၁၆ ပေါင်ငှက်အတွက်ဒေါ်လာ ၁၉.၃၉ ဖြစ်ပါတယ်။၎င်းသည်တစ်ပေါင်လျှင်အကြမ်းအားဖြင့်ဒေါ်လာ ၁.၂၁ ရှိပြီးယမန်နှစ်ကထက် ၇ ရာခိုင်နှုန်းကျဆင်းခဲ့တာဖြစ်ပါတယ်။ ဒီစစ်တမ်းရလဒ်များအရကြက်ဆင်စျေးနှုန်းဟာ ၂၀၁၀ ခုနှစ်နောက်ပိုင်းတွင်အနိမ့်ဆုံးဖြစ်ပါတယ်။

လယ်ယာမြေဗျူရို၏စစ်တမ်းအတွက်ဈေးဝယ်စာရင်းတွင် မိသားစု၁စု(သို့မဟုတ်) လူ၁၀ ယောက်အတွက်လုံလောက်သောပမာဏ၌ကြက်ဆင်အသားတင်အပြင် ကန်စွန်းဥ၊ ထောပတ်၊ ပဲ၊ cranberries၊ ဟင်းသီးဟင်းရွက်ဗန်း၊ ခရမ်ပါသောရွှေဖရုံသီးပန်ကိတ်၊ ကော်ဖီ၊ နွားနို့တို့အများကြီးပါ၀င်ပါတယ်။ကြက်ဆင်အပြင်ဈေးနှုန်းချိုသာစွာရနိုင်အစားအစာများတွင်ကန်စွန်းဥနှင့် cream များလည်းပါ၀င်ပါတယ်။ဒီနှစ်မှာအသင့်အတင့်စျေးတက်လာတဲ့အစားအစာတွေထဲမှာ မုန့်လိပ်တွေ၊ သိပ်ထည့်ထားသောပေါင်မုန့်တွေနဲ့ရွှေဖရုံသီးပန်ကိတ်အရောအနှောတို့ပါ၀င်ပါတယ်။

ယခုနှစ်တွင်တစ်နိုင်ငံလုံးပျမ်းမျှကုန်ကျစရိတ်ကိုပြည်နယ် ၅၀ မှစျေးနှုန်းအချက်အလက်များနှင့်ပြီးပြည့်စုံသည့်စစ်တမ်း ၂၃၀ ကျော်ကို အသုံးပြု၍ တွက်ချက်ခဲ့တာဖြစ်ပါတယ်။လယ်ယာဗျူရိုရဲ့စေတနာ့ဝန်ထမ်းစျေးဝယ်သူများဟာကူးစက်ရောဂါကြောင့်ကုန်စုံစတိုးအက်ပလီကေးရှင်းများနှင့်ဝက်ဘ်ဆိုက်အွန်လိုင်းပေါ်ရှိစျေးနှုန်းများစစ်ဆေးရန်တိုက်တွန်းခဲ့ပါတယ်။ အထူးအရောင်းမြှင့်တင်တဲ့ကူပွန်များဝယ်ယူခြင်းသို့မဟုတ်အရောင်းအ ၀ ယ်အပေးအယူများကိုအသုံးမပြုတဲ့အကောင်းဆုံးစျေးနှုန်းများကိုလည်းသူတို့ရှာဖွေခဲ့ကြပါတယ်။