ငရုတ်ပင်စိုက်ပျိုးနည်း

ငရုတ်ပင်ကို ရုက္ခဗေဒအမည်အရ Capsicum sppလို့လည်းခေါ်ပါတယ်။ ငရုတ်ပင်ရဲ့ မူရင်းဒေသများဟာ တောင်အမေရိကတိုက်၊ အမေရိကအလယ်ပိုင်းနှင့် အပူပိုင်းဒေသမျာ၊း ဘရာဇီးနှင့်အနီးတ၀ိုက်ကျွန်းများ၊ အနောက် အိန္ဒိယကျွန်းစုတို့ဖြစ်တယ်လို့ ယူဆကြပါတယ်။

ငရုတ်မျိုးမှာမျိုးစိတ် ၂မျိုးရှိပါတယ်။ Capsicum annum နှင့် C-frutescens ဆိုပြီးဖြစ်ပါတယ်။ ငရုတ်မျိုးစိတ် C-frutescens ဟာဆိုရင် နှစ်ရှည်ခံပင်ဖြစ်ပြီး တစ်ခါတစ်ရံ နှစ်ခံပင်အဖြစ် စိုက်ပျိုးကြပါတယ်။တောက်ပတဲ့အရောင်ရှိပြီး C-annum ထက် အသီးအရွယ်အစားပိုသေးငယ်ပါတယ်။အခြားမျိုးတွေထက်သူကပိုပူပါတယ်။

C-frutescens မှာ အမျိုးအစားသုံးမျိုးပါ၀င်ပါတယ်။

1. Var mininum နှစ်ရှည်ခံပင်ဖြစ်ပြီးအချိန်မရွေးခူးနိုင်ပါတယ်။

2.Var baccatum ဒီမျိုးကိုတော့အလှစိုက်ပျိုးကြပါတယ်

3.Var pubescens အမေရိကတောင်ပိုင်းတွေမှာစိုက်ပျိုးပါတယ်။ပွင့်ချပ်ခရမ်းရောင်ရှိပြီး အစေ့မှာအနက်ရောင်ရှိပါတယ်။

​ပေါက်ရောက်နိုင်သောမြေအမျိုးအစားများ

မြေသြဇာကြွယ်၀ပြီး ရေမ၀ပ်သောမြေမျိုး၊ သဲနုန်းနဲ့ နန်းမြေပွမျိုးဟာ ငရုတ်စိုက်ပျိုးရန်အကောင်းဆုံးမြေများဖြစ်ပါတယ်။ မြေစေးအသင့်အတင့်ပါသောမြေတွင်စိုက်ပျိုးနိုင်သော်လည်းရေမ၀ပ်စေရန်ဂရုစိုက်ရမည်။ သဲမြေတွင်စိုက်ပျိုးမည့်သူများအတွက်ကတော့ သဘာ၀မြေသြဇာ လုံလောက်စွာထည့်ပြီးမှစိုက်ပျိုးသင့်ပါတယ်။ အသင့်တော်ဆုံး Ph မှာ (၅.၅ မှ ၇.၀)ရှိသောမြေဖြစ်ပါတယ်။

ဘယ်လိုရာသီဥတုတွေမှာအဆင်ပြေလည်း?

ငရုတ်ဟာ ပူနွေးစိုစွတ်သော ရာသီဥတုကိုကြိုက်ပါတယ်။ မိုးရေချ်ိန် ၂၅မှ ၅၀ လက်မရွာသောဒေသတွင်စိုက်ပျိုးရန်ကောင်းမွန်ပါတယ်။ မိုးများလွန်းလျှင် ပသီးပုပ်နိုင်ပါတယ်။အသင့်တော်ဆုံးအပူချိန်မှာ (၇၀-၈၀)ဒီဂရီဖာရင်ဟိုက်ဖြစ်ပါတယ်။

ပျိုးထောင်ခြင်း

ပျိုးထောင်လျှင် အကျယ်၃ပေ အမြင့်၆ပေ အရှညခ၃၀လက်မရှိသောဘောင်များပြုလုပ်ရပါမယ်။ နွားချေးမြေဆွေးတို့ထည့်ပြီး ဘောင်မျက်နှာပြင်ညီအောင်ညှိရပါမယ်။မျိုးစေ့များကိုပြာပြီး သဲတို့နှင့် ညီညာစွာ ခပ်ပါးပါးကြဲပေးသင့်ပါတယ်။ မျိုးစေ့တွေခိုင်မာစွာစွဲကပ်ဖို့ လက်သို့မဟုတ် ပျဥ်းပြားနဲ့ဖိပေးဖို့လိုပါမယ်။ ကောက်ရိုးပါးပါးအုပ်၍ရေလောင်းခြင်းနည်းနဲ့လည်းပျိုးထောင်နိုင်ပါတယ်။ တစ်ဧကအတွက်ဆိုရင်တော့ မျိုးစေ့ ၂၀၀ဂရမ် လိုအပ်ပါတယ်။

၇ရက်မှ ၁၀ရက်အတွင်း အပင်ပေါက်စုံကနေ ကောက်ရိုးဖယ်ပြီး နံနက်တစ်ကြိမ် ညနေတစ်ကြိမ်ရေလောင်းပေးသင့်ပါတယ်။ မိုးများတဲ့ဒေသတွေဆိူရင်တော့ ပျိုးထောင်တဲ့အခါ အရိပ်လုပ်ပေးရပါမယ်။

စိုက်ပျိုးနည်း

တိုက်ရိုက်စိုက်ပျိုးနည်းနဲ့ ရွှေ့ပြောင်းစိုက်ပျိုးနည်းဆိုပြီး ၂မျိုးရှိပါတယ်။

တိုက်ရိုက်စိုက်နည်း: မိမိကြိုက်နှစ်သက်သော ထယ်ရေး၊ထွန်ရေး ရပါက မျိုးစေ့များအား ညီညာစွာကြဲပက် စိုက်ပျိုးနည်း ဖြစ်ပါတယ်။ အပင်ပေါက်စုံရင် လိုချင်သောအကွာအဝေးထားကာ ကျန်အပင်များကိုနှုတ်ပေးရပါမယ်။

ရွှေ့ပြောင်းစိုက်ပျိုးနည်း

ထယ်ရေးအသင့်ပြင်ထားသော မြေပေါ်တွင် အသင့်ပျိုးထားသောပျိုးပင်များကို ပျိုးသက် ၃၀-၄၅ ရက်သားခန့်ရလျှင် ​ရွှေ့ပြောင်းစိုက်ပျိုးတဲ့နည်းဖြစ်ပါတယ်

မြေသြဇာအတွက်ဘာတွေသုံးရမလည်း?

တစ်ဧကလျှင် နွားချေးလှည်း အစီး၁၀မှ ၂၀စီးထည့်နိုင်ပါတယ်။ ဓာတ်မြေသြဇာအတွက်ကတော့ ယူရီးယား ၁အိတ် တီစူပါ ၁အိတ် ပိုတက်ရှ် ၁အိတ် နှုန်းမြေပြုပြင်စဥ်ထည့်ပြီး အပင်ကြီးထွားသည့်အဆင့်မှာတော့ ယူရီးယား ၂အိတ်ကို ထပ်မံထည့်ကျွေးရပါမယ်။

ရိတ်သိမ်းခြင်းနဲ့အထွက်တိုးနှုန်း

ရွှေ့ပြောင်းစိုက်ပြီး ၂လအကြာ ပန်းများစတင်ပွင့်ပြီး ပန်းပွင့်ပြီး ၂ပတ်အကြာမှာတော့ ပထမကြိမ်စတင်ခူးလို့ရပါပြီ။ ရွှေ့ပြောင်းစိုက်ပြီး ၃ ၄ လအတွင်းခူးနိုင်ပါတယ်။ ငရုတ်သီးအမှည့်ကိုခူးရာမှာ အစိမ်းတစ်ပိုင်း အနီတစ်ပိုင်းအဆင့်ရှိငရုတ်သီးမျိုးနဲ့ ငရုတ်သီးတတောင့်လုံးအညိုရောင်ပြောင်းနေတာတွေကို မခူးရပါဘူး။ အနီရောင်သန်းမှသာခူးရပါမယ်။ ငရုတ်သီးအစိမ်းကိုလည်း ခူးယူရောင်းချနိုင်ပါတယ်။ မျိုးနှင့်မြေအခြေအနေပေါ်မူတည်၍ တစ်ဧကလျှင် ငရုတ်သီးစိမ်း ၄၀၀မှ ၁၀၀၀ပိဿာထွက်၍ အခြောက်တစ်ဧကလျှင် ၁၀၀မှ ၂၀၀ပိဿာ ရနိုင်ပါတယ်။