ဂျပန်သိပ္ပံပညာရှင်များမှ ဆားဖုံးလွှမ်းခံရသောမြေပေါ်တွင်စိုက်ပျိုးနိုင်သည့်စပါးသီးနှံမျိုးအားဖန်တီး

ဂျပန်နိုင်ငံ Saitama ရှိ Riken Nishina စင်တာမှသုတေသီများသည်ရူပဗေဒအကူအညီဖြင့်ဆားဖုံးလွှမ်းသောမြေပေါ်တွင်လည်းစိုက်ပျိုးနိုင်သော ဆားဒဏ်ခံနိုင်သည့်စပါးကိုထုတ်လုပ်ရန်လုပ်ဆောင်နေကြပါတယ်။ Dr.Abe အဖွဲ့ဟာ ဒီစပါးမျိုးကိုထုတ်လုပ်နိုင်ရန် အီလက်ထရွန်များဖယ်ရှားခြင်းအားဖြင့်သူတို့ရဲ့နျူကလိယအက်တမ်များမှ ခွဲထွက်သွားသော ကြီးမားသည့်အိုင်းယွန်းများကို ဖြိုခွဲနိုင်သည့် particle accelerator ကိုအသုံးပြုတာဖြစ်ပါတယ်။

ဤလုပ်ငန်းစဉ်ဟာ သန္ဓေပြောင်းလဲခြင်း အဆ ၁၀ ဆမှ ၁၀၀ အထိထုတ်ပေးနိုင်ပြီး အသုံးဝင်သောစပါးမျိုးအားထုတ်လုပ်နိုင်မည့်အခွင့်အလမ်းကိုတိုးပွားစေပါတယ်။

သုတေသနအဖွဲ့၏လေ့လာမှုကို ၂၀၁၁ ခုနှစ်ဆူနာမီ​မှပင်လယ်ရေဟက်တာ (၂၄၀၀၀) ကျော်ရေလွှမ်းမိုးမှုကြောင့်တွန်းအားဖြစ်စေခဲ့တာဖြစ်ပါတယ်။
သို့သော်ဆားဒဏ်ခံနိုင်သောစပါးဟာ ဂျပန်နိုင်ငံတွင်အဆိုးရွားဆုံးသောဆားငံရေဖုံးလွှမ်းခံရသည့်စပါးခင်းများကိုပြန်လည်တည်ဆောက်ခြင်းထက်ကမ္ဘာအနှံ့တွင်ပိုမိုကျယ်ပြန့်စွာအသုံးပြုနိုင်ဖို့လည်းဖြစ်ပါတယ် ။ကမ္ဘာ့ဆန်၏သုံးပုံတစ်ပုံခန့်တွင်ဆားဖုံးလွှမ်းသောမြေကြောင့် ပြဿနာများရှိပြီးထိုလယ်ကွင်းများတွင်အထွက်နှုန်းမှာရေချိုတွင်စိုက်ပျိုးရိတ်သိမ်းမှု၏ ထက်ဝက်သာရှိပါတယ်။

ဒီပြသာနာများကိုဖြေရှင်းရန် ကာဗွန်အိုင်းယွန်းများဖြင့်ဖြိုခွဲထားသေဆားဒဏ်ခံနိုင်သည့်စပါးမျိုးကို ဖန်တီးဖို့လုပ်ဆောင်ခဲ့ကြတာဖြစ်ပါတယ်။ဆားဒဏ်ခံနိုင်သောစပါးမျိုးပထမအစုအစေ့ ၆၀၀ရဲ့ရလဒ်များအရ အပင်ပေါင်း ၂၅၀ ရှင်သန်ပေါက်ရောက်ပြီးကျန်းမာသောအစေ့များကိုထုတ်လုပ်ပေးတယ်လို့သိရပါတယ်။နောက်အဆင့်မှာအောင်မြင်သောအပင်တစ်မျိုးစီမှကောက်ပဲသီးနှံ ၅၀ ကိုယူပြီး ပထမလုပ်ငန်းစ်ဥအတိုင်းပြန်လုပ်ဆောင်မှာဖြစ်ပါတယ်။အကောင်းဆုံးအပင်မျိုးများကိုတော့ မျိုးပွားရာတွင်အသုံးပြုသွားမှာဖြစ်ပါတယ်။ Dr.Abeက”သူတို့ဟာဆားဒဏ်ခံနိုင်သောစပါးမျိုးကိုထုတ်လုပ်နိုင်ပြီး ၄ နှစ်အတွင်းစျေးကွက်အတွက်အဆင်သင့်ဖြစ်စေမယ်လို့”မျှော်လင့်ကြောင်း ပြောကြားခဲ့ပါတယ်။