အမေရိကန်ဝက်သားတင်သွင်းမှုကို အစိုးရမှခွင့်ပြုသောကြောင့်တိုင်ပေပါလီမန်အတွင်းတွင် ဝက်ကလီစာများဖြင့်ပစ်ပေါက်ဆန္ဒပြခဲ့ကြ

အမေရိကန်ကနေ ဝက်သားတင်သွင်းမှုကန့်သတ်ချက်ကို ဖြေလျှော့ပေးမယ်ဆိုတဲ့ တိုင်ပေအစိုးရရဲ့ဆုံးဖြတ်ချက်ကို မကျေနပ်တဲ့ အတိုက်အခံအမတ်တွေက သောကြာနေ့တုန်းက ပါလီမန်အတွင်းမှာ  ဝက်ကလီစာတွေနဲ့ပစ်ပေါက် ဆန္ဒပြခဲ့ကြပါတယ်

အတိုက်အခံပါတီမှလူများဟာ ငြင်းခုံဆွေးနွေးနေကြစဥ် ပါလီမန်အတွင်းကြမ်းပြင်ပေါ်မှပုံးတွေထဲက ၀က်ကလီစာများကိုစုပုံခဲ့ကြပြီးနောက် ပြိုင်ဘက်အမတ်တွေကို ပစ်ပေါက်ခဲ့ကြတာဖြစ်ပါတယ်။

အဆီပါ၀င်မှုနည်းစေရန် ractopamine ကျွေးပြိးမွေးမြူထားသောအမေရိကန်မှ၀က်များကိုဇန်နဝါရီ ၁ ရက်ကစပြီး တင်သွင်းခွင့်ပြုတော့မယ်လို့ တိုင်ပေအစိုးရက မကြာသေးမီက ကြေညာခဲ့တာဖြစ်ပါတယ်။  ဥရောပနှင့် တရုတ်တို့လိုနေရာတွေမှာတားမြစ်ထားတဲ့အရာလည်းဖြစ်ပါတယ်

တိုင်ပေသမ္မတ Tsai Ing-wen နဲ့ ပါလီမန်အတွင်းနေရာအများဆုံးရှိပြီးအဓိကကျသော သူမရဲ့ ဒီမိုကရက်တစ်ပါတီကတော့ အခုလို ကန့်သတ်ချက်တွေဖြေလျှော့လိုက်တာဟာ တိုင်ပေ-အမေရိကန် ကုန်သွယ်ရေးသဘောတူညီမှုအတွက် လမ်းပွင့်သွားလိမ့်မယ်လို့ မျှော်လင့်ထားတာပါလို့ ပြောကြားခဲ့ပါတယ်။

ပါလီမန်အတွင်းမှာ ဝက်ကလီစာတွေနဲ့ ပစ်ပေါက်ရတာကိုစိတ်မကောင်းဖြစ်ပေမယ့် ယခုလိုလုပ်မှ ဒီပြဿနာကို မီးမောင်းထိုးပြရာရောက်မှာလို့ Kuomintangပါတီအမတ် Lin Wei-chou က သတင်းထောက်တွေကို ပြောခဲ့ပါတယ်။