ကမ္ဘာ့အသိအမှတ်ပြု အန္တရာယ်မရှိသော ပိုးသတ်ဆေးများ

ယခုဖော်ပြပေးမည့် အန္တရာယ်မရှိသော ပိုးသတ်ဆေးအုပ်စုများသည် ဓာတုပိုးသတ်ဆေးမျာကဲ့သို့ ပိုးမွှားကာကွယ်ရေးတွင် မထိရောက်နိုင်ပါဘူး။သိူ့သော်လည်း လူနှင့်ပတ်၀န်းကျင်ကို ထိခိုက်ညစ်ညမ်းမှုမရှိစေဘဲ ဟင်းသီးဟင်းများတွင် ကျရောက်သော ပိုးမွှားများကာကွယ်ရေးအတွက် အကောင်းဆုံးအသုံးပြုသင့်တဲ့ဆေးများလည်းဖြစ်ပါတယ်။

ဖော်ပြမည့် ပိုးသတ်ဆေး ဖော်စပ်အသုံးပြုနည်းများသည်အလွန်လွယ်ကူရုံသာမက အမေရိကန်နိုင်ငံ၏ စိုက်ပျိုးရေးစာစောင်၊ မဂ္ဂဇင်းများတွင်ကြော်ငြာ၍ စီးပွားဖြစ်ထုတ်လုပ်ဖြန့်ဖြူးရောင်းချရာမှာလည်းအသုံးပြုသောနည်းလမ်းဖြစ်ပါတယ်။

(၁)ပိုးသတ်ဆေး ဆပ်ပြာ (insect killing soap)

ဆေးဆပ်ပြာဖော်စပ်ရာတွင် အများအားဖြင့် ပန်းကန်ဆေးဆပ်ပြာ၊ အ၀တ်လျှော်ဆပ်ပြာတောင့် ၂၄၅ ဂရမ်ကို ရေ ၂ဂါလံနှင့်ရောစပ်ကာ မီးဖြင့်အရည်ပျော်သည်အထိကျိုပြီးပါက ပိုးသတ်ဆေးဆပ်ပြာရပါပြီ။

နောက်တစ်နည်းမှာ ကုန်ကြမ်းဆိုင်တွင် ပိုတက်ဆီယမ်ဟိုက်ဒရောက်ဆိုက်(KOH)ကို ၁၀ဂရမ်၊ အုန်းဆီ ၁၀စီစီကို တစ်လီတာဆန့်သောရေပုလင်းထဲသို့ထည့်ပါ။၎င်းထဲသို့ ရေဖြည့်ပြီး လှုပ်ပေးခြင်းဖြင့် ဆပ်ပြာအမြှုပ်ထ ဖြူဖွေးကာ အရည်ပျော်သွားပါလ်ိမ့်မယ်။ ထို ဖျော်ရည်ကို ၄၀စီစီကို ရေတစ်ဂါလံနှုန်းဖြင့် ဟင်းသီးဟင်းရွက်ပင်ပေါ်ပက်ဖြန်းနိုင်ပါတယ်။

ဒိီဆေးဆပ်ပြာရည်ကြောင့်ပိုးမွှားများသေဆုံးနိုင်တဲ့နည်းလမ်းမှာ

(၁) ဆေးဆပ်ပြာရည်တွင်နစ်မြုပ်နေသော ပိုးကောင်၏ လေရှူပေါက်ကို ပိတ်ဆို့သဖြင့် အသက်ရှူကြပ်ပြီးသေစေနိုင်ပါတယ်။

(၂) ပိုးမွှားကိုယ်ထည်၏ အပြင်ခွံထဲသို့ ဆေးရည်ထိုးဖောင်၀င်သွားပြီး ဆဲလ်လွှာကို အရည်ပျော်ပျက်စီးစေခြင်းဖြင့် သေစေနိုင်ပါတယ်။

(၃) ၎င်း ဆေးဆပ်ပြာရည်ဟာ ပိုးမွှားများရဲ့ ဆဲလ်ဖွဲ့စည်း တည်ဆောက်မှုနှင့် ကြီးထွားဖွံ့ဖြိုးမှု ဟော်မုန်းထုတ်လုပ်ခြင်းကို နှောင်းနှေးသွားစေပြီး သေစေပါတယ်။

(၂) ဆေးရွက်ကြီးဆေးရည်

ကျိုချက်ထားသောရေနွေးထဲသို့ ဆေးရွက်ကြီး ၂၄၅ဂရမ်ကို တစ်ရက်စိမ်ထားပါ။ ၂ဂါလံဆန့်သော ဆေးဖြန်းပုံးထဲသို့ ၎င်း ဆေးရွက်ကြီးဖျော်ရည်ကို အဖတ်မပါစေရန် ဇကာဖြင့် စစ်ထည့်ရပါမယ်။ထို့နောက်ဆေးဆပ်ပြာရည် ဟင်းစားဇွန်း ၅ဇွန်းထည့်၍ ရေအပြည့်ဖြည့်ပြီး လှုပ်ပေးပါ။ ပြီးလျှင် ဟင်းသီးဟင်းရွက်ပင်ပေါ် ပက်ဖြန်းနိုင်ပါပြီ။

(၃) တမာပိုးသတ်ဆေး (neem insect killer)

စိုက်ပျိုးရေးဌာနမှ တမာစေ့ကို မက်သနော်ဖြင့် ထုတ်ယူရရှိသည့် အဇာတီရက်တင်(Azadiractin)ကို ဟင်းသီးဟင်းရွက်ပင်တွင် ကျရောက်သော မွှားပင့်ကူနှင့် လိပ်ပြာဖလံအုပ်စု၀င် ဖျင်ပိုးများအားနှိမ်နင်းနိုင်ပါတယ်။

USA တွင် တမာစေ့ကို ကြိတ်၍ရလာသော ၁၀၀%တမာဆီ(pure neem oil) အဖြစ် ထုတ်လုပ်ရောင်းချကြပါတယ်။