ကြက်ဟင်းခါးပင်ရဲ့ဆေးဝါးဆိုင်ရာ ဂုဏ်သတ္တိများ

ကြက်ဟင်းခါးပင်ရဲ့ အစိတ်အပိုင်းအားလုံးတွင် သွေးတွင်း သကြားဓာတ်ကို လျော့ကျစေသော ဓာတ်ပစ္စည်းများပါရှိပါတယ်။ သွေးချိုကျဆေးသောအာနိသင်မှာ ကြက်ဟင်းခါးပင်၏ အခြားအစိတ်အပိုင်းများထက် အသီးတွင် ပိုမို တွေ့ရှိရပါတယ်။

တိရစ္ဆာန်များတွင်စမ်းသပ်ချက်အရ ကြက်ဟင်းခါးသီးအရည် တိုက်ကျွေးခြင်းဖြင့် ဆီးချိုသွေးချိုဖြစ်နေသောကြွက်၏ pancreasရှိ insulin ထုတ်သော beta cellsများအသစ်ပြန်လည်ဖြစ်ပေါ်ပြီး beta cells များပြန်လည်ကောင်းမွန်လာခြင်းကြောင့် သွေးချိုပမာဏလျော့ကျစေနိုင်သော အာနိသင်အစွမ်းသတ္တိရှိသည်ဟုဖော်ပြထားပါတယ်။

ကြက်ဟင်းခါးသီး သို့မဟုတ် အစေ့ဟာ သွေးတွင်းကိုလက်စထရောပမာဏကို လျော့ကျစေသောသတ္တိရှိပါတယ်။ ဆီးချိုကြွက်များဖြင့် စမ်းသပ်ချက်တစ်ခုတွင် မြင့်တက်နေသောသွေးတွင်း ကိုလက်စထရောနင့် triglyceride ပမာဏကို ၁၀ပတ် ဆေးတိုက်ကျွေးကုသပြီးနောက် ပုံမှန်အခြေအနေသို့ ပြန်ရောက်သွားကြောင်း ဖော်ပြထားပါတယ်။

ကြက်ဟင်းခါးအရွက်ဟာ ဘတ်တီးရီးယားပိုးမျာအပေါ် အာနိသင်သက်ရောက်မှုရှိပါတယ်။

စမ်းသပ်ချက်တစ်ခုတွင် အသီး၏ ဆေးအနှစ်ဟာ အစာအိမ်မကြီး (stomach)၏ အစာအိမ်အနာ (ulcer)ကိုဖြစ်စေသော ဘတ်တီးရီးယား အပေါ် ဆန့်ကျင်တိုက်ဖျက်နိုင်သော ဂုဏ်သတ္တိရှိပါတယ်။

ကြက်ဟင်းခါးပင်တွင်ပါရှိသော momordin ခေါ် အသားဓာတ် protein ဟာ Hodgkin’s lymphoma ကင်ဆာရောဂါကို တိုက်ဖျက်နိုင်ကြောင်း တိရစ္ဆာန်နှင့် စမ်းသပ်ချက် တစ်ခုတွင် ဖော်ပြထားပါတယ်။

ဓာတ်ခွဲခန်းစမ်းသပ်ချက်အရ အသည်းကင်ဆာ၊ လူကီးမီးယား၊ melanoma(ကုမရနိုင်သော အရေပြားအဖုအကြိတ်တစ်မျိုး)၊ sarcoma(တစ်သျှူးများတွင်ဖြစ်သည့် ကုမရသည့်အသားပိုတစ်မျိုး)အပါအ၀င် ကင်ဆာ cell line များအပေါ် အာနိသင်ရှိကြောင်း သိရှိရပါတယ်။

နိုင်ငံနှင့်အလိုက်အသုံးကြုကြပုံများ

တောင်အမေရိကတိုက် အမေဇုံ ဒေသတွင် အရွက်ပြုတ်ရည်ကို ဆီးချိုရောဂါ၊ လေတိုးလေအောင့် ရောဂါတို့ ကုသရာတွင်လည်းကောင်း၊ ၀က်သက်၊ အသဲရောင် အသား၀ါရောဂါတို့၌ virus ပိုး တိုက်ဖျက်ရာတွင်လည်းကောင်း အသုံးပြုကြပါတယ်။

ဘရားဇီးနိုင်ငံတွင် ပရဆေးအဖြစ် အဖုအကြိတ်(Tumor)ရောဂါ၊ ဒဏ်ရာအနာများ၊ ဆီးချိုရောဂါများတွင် အသုံးပြုပါတယ်။

မက်ဆီကို နိုင်ငံတွင် အပင်တစ်ပင်လုံးအား ဆီးချိုနှင့် ၀မ်းကိုက်ရောဂါများတွင် အသုံးပြုပါတယ်။