ရွက်ဖြန်းမြေသြဇာအကြောင်း

ရွက်ဖြန်းမြေသြဇာကို ဘာအတွက်အသုံးပြုတာလဲ?

သီးနှံပင်များစိုက်ပျိုးတဲ့အခါ အသက်အရွယ်အစားလိုက် ကြီးထွားလာချိန်တွင် အရွက်များပေါ်သို့ အာဟာရဓာတ်ရရှိစေရန် ပက်ဖြန်းပေးရတဲ့အရာဖြစ်ပါတယ်။

များသောအားဖြင့်ရွက်ဖြန်းမြေသြဇာများဟာ ရေတွင်ပျော်၀င်လွယ်တဲ့အတွက် သီးနှံပင်အရွက်များမှ လွယ်ကူစွာစုပ်ယူနိုင်သောဓာတုပစ္စည်းများလည်းဖြစ်ပါတယ်။

သီးနှံပင်များမှာလိုအပ်တတ်တဲ့ အနည်းလိုဓာတ်များအတွက် အသုံးပြုပေးရတာဖြစ်ပါတယ်။ မြေဆီလွှာတွင် အနည်းငယ်သာလိုအပ်တဲ့ အနည်းလိုဓာတ်မရှိပါက သီးနှံပင်များမှ ချို့တဲ့မှုလက္ခဏာ ပြတတ်ကြပါတယ်။

ထို့ကြောင့် လိုအပ်တဲ့ အနည်းလိုဓာတ်များကို ဖျော်စပ်ထားတဲ့ ရွက်ဖြန်းမြေသြဇာကို ပက်ဖြန်းပေးရန်အသုံးပြုကြတာဖြစ်ပါတယ်။

ဘယ်လိုအချိန်တွေမှာ ပက်ဖြန်းရလည်း?

အသက်အရွယ်လိုက် အပင်ငယ်စဥ်မှာ အပင်နှင့်အမြစ်ဖြစ်ထွန်းမှုအားပေးသော ရွက်​ဖြန်းမြေသြဇာအသုံးပြုရပါတယ်။ ပန်းဖူးဖူးကာနီး တစ်လအလိုချိန်တွင် အပွင့်အသီးကိုအားပေးသော ရွက်ဖြန်းမြေသြဇာများကို အသုံးပြုရပါတယ်။

သတိပြုရမည့်အချက်မှာ ရွက်ဖြန်းမြေသြဇာများဟာ မြေခံတွင် ထည့်ပေးရသည့် မြေသြဇာနှင့်မတူပါဘူး။

စားသုံးသူများအပေါ် အန္တရာယ်ရှိစေနိုင်လား?

အထွက်တိုးသီးနှံထုတ်လုပ်ရေးတွင် မြေခံအဖြစ်ထည့်သွင်းရမည်ဖြစ်သော ဓာတ်မြေသြဇာများနှင့် ရွက်ထြန်းမြေသြဇာများကို အသုံးပြုခြင်းဟာ သီးနှံအထွက်တိုးလာနိုင်သည့်အပြင် သီးနံပင်များမှာလည်း ဓာတ်ကြွင်းအနေဖြင့် မကျန်ရှိနိုင်တဲ့အတွက်ကြောင့် စားသုံးသူများကို အန္တရာယ်မဖြစ်စေပါဘူး။