ကြံစိုက်ပျိုးနည်း

ကြံဟာ ပူနွေး စိုစွတ်သောဒေသနှင့် သမနွေးပိုင်း ဒေသများတွင် ဖြစ်ထွန်းတတ်ပြီး ပုံမှန်အားဖြင့် အပင်မြင့် ၉ပေ နှင့် ၁၅ပေကြား၊ ပင်စည်လုံးပတ်မှာ အချင်း ၂လက်မခန့်ရှိတတ်ပါတယ်။

ရာသီဥတု

နေရောင် ကြာရှည်စွာ ရရှိခြင်းကိုနှစ်သက်ပါတယ်။ အကောင်းဆုံး အပင် ဖွံဖြိုးမှု့အတွက် တနှစ်တာ မိုးရေချိန် လက်မ ၇၀ နှင့် ၉၈လက်မကြား ရရှိရန် လိုအပ်ပါတယ်။ သွင်းရေ ရရှိနိုင်ပါက တနှစ်ပတ်လုံး စိုက်ပျိုး ဖြစ်ထွန်းနိုင်သော သီးနှံလည်းဖြစ်ပါတယ်။

ကြိုက်နှစ်သက်သောမြေအမျိုးအစား

အာဟာရ ဓာတ်ကြွယ်ဝသော နုန်းမြေ၊ သဲနှုန်းမြေ၊ နုန်းမြေစေးများသည် ကြံပင်၏ အထွက်နှုန်းနှင့် ကြီးထွားမှုအတွက် အကောင်းဆုံး ဖြစ်ပါတယ်။

မျိုးရွေးချယ်ခြင်း

ကျန်းမာသောကြံပင်ကိုရွေးချယ်ပါ။ကြံပင်များကိုသူတို့ရဲ့ရိတ်သိမ်းရာသီဖြစ်တဲ့ နွေ ဦး နှောင်းပိုင်းနှင့်ဆောင်း ဦး ရာသီတို့တွင်လွယ်ကူစွာတွေ့ရှိနိုင်ပါတယ်။

ရွေးချယ်ရာတွင်လည်းရှည်လျားပြီး ကျစ်လျစ်တာမျိုးကိုရွေးသင့်ပါတယ်။ပင်စည်ရိုးတံရှိအဆစ်များမှ အပင်ပေါက်သစ်လေးတွေထွက်လာမှာဖြစ်ပါတယ်။

မျိုးပိုင်းများကိုရေတွင် ၂၄နာရီစိမ်ဖို့လိုအပ်ပါတယ်။

မြေပြုပြင်ခြင်း

ကြံစိုက်ပျိုးမည့်မြေကို ထယ်ရေးနက်နက် နှင့် ထွန်ရေးညက်ညက် ရရှိအောင် ပြုလုပ်ရပါမယ်။
ထွန်မွှေနေစဉ်တွင် နွားချေး တစ်ဧကကို ၅ တန် ထည့်သွင်းပြီး စိုက်ပျိုးမြေကို ညီညာအောင် ညှိပေးပါ။အလျား၄၀ပေx အနံ ၁ပေx အမြင့်၁၀လက်မ ရှိသော စိုက်မြောင်းများကို ၄ ပေ ခြား၍ ပြင်ဆင်ပါ။ထွန်ကြောင်းများကိုတူးရန်ပိုမိုလွယ်ကူစေရန်တူရွင်းအစား ဂေါ်ပြားဖြင့်သုံးပါ။

စိုက်ပျိုးခြင်း

မျိုးပိုင်းများကို တန်းခြား ၁ ပေခြား၍ တေ့စပ် (သို့) နဘေထပ်ပုံစံထားရပါမယ်။ထို့နောက်မျိုးပိုင်းများပေါ်မှ မြေကြီးခပ်ပါးပါးဖုံးပေးရပါမယ်။

မြေသြဇာ

ကြံပင်ဟာ မြက်တစ်မျိုးဖြစ်သောကြောင့်၎င်းသည်နိုက်ထရိုဂျင်ကြွယ်ဝသောမြေသြဇာများပေါ်တွင်ရှင်သန်နိုင်ပါတယ်။ ဒါမှမဟုတ်အော်ဂဲနစ်စိုက်ပျိုးချင်တယ်ဆိုလျှင် – ကြက်ချေးကိုအသုံးပြုနိုင်ပါတယ်။ အပင်ပေါက်ထွက်လာသည့်အခါတစ်ချိန်ကမြေသြဇာပေးခြင်းသည်ကြံကြံခိုင်ခြင်းနှင့်ကျန်းမာခြင်းရှိရန်အထောက်အကူပြုပါလိမ့်မည်။ သို့မှသာသင်သည်ဆောင်း ဦး ရာသီတွင်ရိတ်သိမ်းတဲ့အခါကောင်းစွာဖြစ်ထွန်းပါလိမ့်မယ်။

ရေသွင်းခြင်း

စိုက်မြောင်းများကိုစိုစွတ်နေစေရန်ရေပိုက်ကိုသုံး၍ရေအတော်အသင့်လောင်းပါ။ရေမ၀ပ်စေဖို့နဲ့ ရေမအိုင်နေစေဖို့သတိပြုပါ။

စိုက်ပြီး၄၅ရက်အကြာတွင်လက်ဖြင့်ပေါင်းနှိမ်နင်းပေးဖို့လိုပါတယ်။

ရိတ်သိမ်းခြင်း

ကြံချောင်းများကို မြေပြင်နှင့် နီးကပ်စွာ ဖြတ်၍ ရိတ်သိမ်းရပါမယ်။

ရိတ်သိမ်းချိန်တွင်သတိပြုရမည့်အချက်များ

ရိတ်သိမ်းပြီး ကြံချောင်းများကို သိုလှောင်ရုံသို့ လျှင်မြန်စွာ ပို့ဆောင်ပါ။ရိတ်သိမ်းပြီး ကြံချောင်းများကို အရိပ်ရရှိသော နေရာများနှင့် အဖုံးအကာများအောက်တွင် ထားပါ။ကြံချောင်းများကို ၄၈ နာရီထက် နောက်မကျစေဘဲ စက်ဖြင့် ကြိတ်ပေးသင့်ပါတယ်။