သင်္ဘောရွက်အား ပိုးသတ်ဆေးအဖြစ် အသုံးပြုနိုင်သော နည်းလမ်း၃မျိုး

ပထမနည်းလမ်း

လိုအပ်သော ပစ္စည်းများ

သင်္ဘောရွက် ၁ကီလိုဂရမ်
ရေ ၁လီတာ
ဆပ်ပြာ ၁ဇွန်း(၅စီစီ)

လတ်လတ်ဆတ်ဆတ် သင်္ဘောရွက် ၁ကီလိုဂရမ်ကို ခုတ်ဆင်းထုထောင်း၍ ရေတစ်ပုလင်းတွင်စိမ်ထားပါ။ ခြောက်နာရီကြာအောင်စိမ်ရပါမယ်။ ပြီးလျှင် ရေစစ်ချညှစ်ယူ၍ အရည်ကြည်ကိုယူပါ။ ရရှိသောစစ်ပြီးသားအရည်အား ဆပ်ပြာရေတစ်ဇွန်းထည့်၍ ရောသမမွှေပေးပါ။ စစ်ပြီးသားအရည် တစ်စလျှင် ရေ ၄ဆရော၍ ကော်ဖီသံချေးရောဂါအတွက် အသုံးပြုနိုင်ပါတယ်။ ၃ ရက်ခြား တစ်ကြိမ် ဖြန်းပေးခြင်းဖြင့် ကာကွယ်နိုင်ပါတယ်။

ဒုတိယနည်းလမ်း

လတ်လတ်ဆတ်ဆတ် သင်္ဘောရွက် ၁ကီလိုဂရမ်ကို ခုတ်ဆင်းထုထောင်း၍ ရေ၂ဂါလံတွင်၂ရက်ကြာအောင်စိမ်ထားပါ။ ထိုနောက် အရည်စစ်ချ၍ ဖိုးလမင်း ပိုးတုံးလုံးများကို ကာကွယ်သုတ်သင်ရာတွင်အသုံးပြုနိုင်ပါတယ်။ ဆေးရည်ကို အပင်ခြေရင်းသို့လောင်းပေးပါ။

တတိယနည်းလမ်း

လိုအပ်သော ပစ္စည်းများ
ရေနံဆီ ၊ ရေ၊ သင်္ဘောရွက်

လတ်ဆတ်သော သင်္ဘောရွက် ၁ကီလိုဂရမ်ကို ခုတ်ဆင်းထုထောင်း၍ ရေ၂ဂါလန်တွင်စိမ်ထားပြီး အရည်စစ်ချပါ။ ရရှိလာသောအရည်အား ရေနံဆီ ၃၀စီစီနှင့် ရောမွှေ၍ တရက်ကြာအောင် ထားပြီး အသုံးပြုနိုင်ပါသည်။