HEALTH
ဂျင်းစိုက်ပျိုးခြင်းကြောင့် ရရှိနိုင်သောအကျိုးကျေးဇူးများနှင့်စိုက်ပျိုးနိုင်သောနည်းလမ်းများ
ဂျင်းကိုတရုတ်နိုင်ငံတွင် တိုင်းရင်းဆေးအဖြစ် လွန်ခဲ့သောနှစ်ပေါင်း၂၅၀၀ကျော်မှစတင်၍ အသုံးပြုခဲ့ကြတာဖြစ်ပါတယ်။ အာရှတိုက်မှာစတင်ပေါက်ရောက်တဲ့အပင်ဆိုလည်းမမှားပါဘူး။
သိပ္ပံနှင့်သုတေသနတွေ့ရှိချက်များအရ
ဂျင်းဟာ ခန္ဓာကိုယ်သွေးလည်ပတ်မှုကို အားပေးပြီး အဆစ်အမြစ်ရောင်ရမ်းခြင်း ကိုလျှော့ချပေးပြီး နာကျင်ကိုက်ခဲမှုကို သက်သာစေပါတယ်။
ဂျင်းတွင်ပါ၀င်သော Gingerolsနှင့် shogoals ခေါ်ဓာတုပစ္စည်းက သာမန်ပျို့အန်ခြင်းအပြင် လှုပ်ရှားမှုကြောင့်ဖြစ်သောပျို့အန်ခြင်း(motion nausea)ကိုပါသက်သာစေပါတယ်။ခွဲစိတ်ပြီးလူနာများတွင်ဖြစ်ပွားတတ်သော ပျို့ခြင်း၊အန်ခြင်းတို့မှာ ဂျင်းဟာ Metoclopramideလို့ခေါ်တဲ့ဆေးထက်အစွမ်းထက်တယ်လို့လည်းဆိုကြပါတယ်။
ဂျင်းဟာသွေးတွင်း Cholesterol ဓာတ်ကိုလည်းကျဆင်းစေပြီး သွေးပေါင်ချိန်လျော့ကျစေတဲ့အပြင်သွေခဲမှုကိုလည်းကာကွယ်ပေးပါတယ်။
တရုတ်နိုင်ငံတွင်ပြုလုပ်သော သုတေသနအရ ဘတ်တီးရီးယားကြောင့်ဖြစ်သော ၀မ်းကိုက်ရောဂါ(Bacillary dysentery)ကို ဂျင်းဖြင့် စမ်းသပ်ကုသရာ လူနာဦးရေ ၇၀%သက်သာပျောက်ကင်းကြောင်းဖော်ပြထားပါတယ်။
ဂျင်းဟာ သဲနှုန်းနှင့် ရွှံ့စေးဆန်သောမြေများကို နှစ်သက်ပါတယ်။ ပူအိုက်စွတ်စိုသောမိုးရေချ်ိန်ကောင်းစွာရသည့်အပူပိုင်းဒေသတွေမှာကောင်းစွာပေါက်ရောက်ဖြစ်ထွန်းပါတယ်။အေးသောဆောင်းရာသီမှာတော့ အမိုးအကာအတွင်းမှာစိုက်ပျိုးနိုင်ပါတယ်။ နွေဦးရာသီမှာတော့ ပြင်ပကွင်းပြင်တွင် စိုက်ပျိုးနိုင်ပါတယ်။အာဖရိက၊တရုတ်၊အိန္ဒိယနှင့် ဂျာမေကာနိုင်ငံတွေမှာစီးပွားဖြစ်စ်ိုက်ပျိုးကြပါတယ်။ ကမ္ဘာပေါ်မှာတော့ အိန္ဒိယနိုင်ငံမှဂျင်းကိုအများဆုံးစိုက်ပျိုးထုတ်လုပ်ပါတယ်။
မြေအောက်ပင်စည်၏ အဆစ်နေရာမှထွက်သောပင်စည်အတက်ကလေးများကို စိုက်ပျိုးကြပါတယ်။စိုက်ပျိုးမယ့်ဂျင်းကောင်းရဖို့အတွက် အရင်းအမြစ်ဟာလတ်ဆတ်စွာသိုလှောင်ထားတဲ့အမြစ်ဖြစ်ဖ်ို့လိုပါတယ်။သင်ဟာ စတိုးဆိုင်မှ၀ယ်လာတဲ့ဂျင်းကိုစိုက်ပျိုးဖို့လုပ်ထားရင်တော့ တစ်ခါတစ်ရံမှာကြီးထွားမှုကိုနှောင့်နေးစေတတ်တာကြောင့် မစိုက်ပျိုးခင် အမြစ်ကို ရေထဲတစ်ညလောက်စိမ်ထားပေးဖို့လိုပါတယ်။
စိုက်ပျိုးသည့်အခါ၆လက်မမှ ၈လက်မခြား၍ အနက် ၂လက်မမှ ၄လက်မနက်သောကျဥ်းမြောင်းလုပ်ပြီး အပင်ကိုစိုက်လို့ရပါတယ်။ ကြီးထွားတဲ့အခါမှာ ၂ပေမှ ၃ပေအထိကြီးထွားတက်ကြပါတယ်။
မြေသြဇာ
အကယ်၍သင်စိုက်ပျိုးမယ့်မြေဆီလွှာဟာစံသတ်မှတ်ချက်အောက်ရောက်ပါက အော်ဂဲနစ်ဓာတ်မြေသြဇာထည့်ပေးရပါမယ်။ ရက်သတ္တပတ်အနည်းငယ်ကြာမှာတော့အရည်ဓာတ်မြေသြဇာကိုထည့်သွင်းအသုံးပြုနိုင်ပါတယ်။
အထူးသဖြင့်မိုးသည်းထန်စွာရွာသွန်းတတ်သည့်ဒေသများတွင် မိုးဟာမြေဆီလွှာမှမရှိမဖြစ်လိုအပ်တဲ့ အာဟာရများကို ထုတ်ယူနိုင်တာကြောင့် အာဟာရများကိုထောက်ပံ့ပေးနိုင်သည့်မြေဆွေးများထည့်နိုင်ပါတယ်။ ဖော့စဖိတ်များများပါသောမြေသြဇာက ဂျင်းရဲ့အမြစ်များကိုအကျိုးပြုပါတယ်။
အပင်များကြီးထွားနေတဲ့ချိန်မှာ ခြောက်သွေ့လို့မရပါဘူး။ရာသီတုအေးလာရင်တော့ ရေလောင်းတာကိုလျှော့ဖို့လိုပါတယ်။ ခြောက်သွေ့တဲ့ဒေသတွေမှာတော့ရေကို ပုံမှန်ဖြန်းပေးဖို့လိုပါတယ်။အလွန်အကျွံရေ၀ပ်ခြင်းကိုတော့ရှောင်ကြဥ်ရပါမယ်။
ရိတ်သိမ်းတဲ့အခါမှာတော့ အပင်တစ်ပင်လုံးကိုတူးပြီး ခူးယူနိုင်ပါတယ်။ ရင့်ကျက်တဲ့ဘယ်အချိန်မှာမဆိုရိတ်သိမ်းနိုင်သော်လည်း အပင်ဟာ ၈လမှ ၁၀လအရွယ်အထိရိတ်သိမ်းဖို့အကောင်းဆုံးချိန်ဖြစ်ပါတယ်။ ရိတ်သိမ်းပြီးနောက်ပြန်လည်စိုက်ပျိုးရန် ရေသောက်မြစ်ကိုရွေးပြီးနောက် အမြန်ပြန်လည်စိုက်ပျိုးရပါမယ်။
![Myanmar Net NEWS ® မြန်မာနက်](https://shwe.net/news/wp-content/themes/click-mag/images/logos/logo.png)