HEALTH
ဟင်းသီးဟင်းရွက်အမျိုးအစားများကိုလွယ်ကူစွာခွဲခြားနိုင်သောနည်းလမ်းများ
ဟင်းသီးဟင်းရွက်များစိုက်ပျိုးမည်ဆိုလျှင် ဟင်းသီးဟင်းရွက်တို့ရဲ့မျိုးအုပ်စုများကိုလည်းသိဖို့လိုအပ်ပါတယ်။ မိမိစိုက်ပျိူးမည့်ဟင်းသီးဟင်းရွက်က်မျိုးစုထဲပါလည်းဆိုတာ သေသေချာချာသိမှ စိုက်ပျိုးရာတွင် ဂရုစိုက်နိုင်ပြီး အထွက်တိုးနိုင်မှာလည်းဖြစ်ပါတယ်။၎င်းမျိုးအုပ်စုများအား လွယ်ကူစွာခွဲခြားနိုင်သောနည်းလမ်းများကို ဖော်ပြပေးလိုက်ပါတယ်။
(၁)ရုက္ခဗေဒအရခွဲခြားသောနည်းလမ်း(ဥပမာနှင့်တကွဖော်ပြထားပါတယ်)
-ကြက်သွန်အုပ်စု(alliaceae)
ဒိီအုပ်စုထဲမှာဆိုရင် ကြက်သွန်ဥနီ၊ဥပွားကြက်သွန်၊ မြိတ်စားကြက်သွန်၊ ကြက်သွန်ဖြူတို့ပါ၀င်ပါတယ်။
-မုန်ညှင်းမုန်လာအုပ်စု(Cruciferae)
ဒိီအုပ်စုထဲမှာဆိုရင် ပန်းဂေါ်ဖီ၊ ဂေါ်ဖီထုပ်၊ ကိုက်လန်၊ မုန်ညှင်းဖြူ၊ မုန်ညှင်းစိမ်း၊ နီကို၊ မုန်လာဥဖြူ၊ ပန်းဂေါ်ဖီအစိမ်း၊ ကွမ်းသီးပုံသဏ္ဍာန် ဂေါ်ဖီထုပ်တို့ဖြစ်ပါတယ်။
-ဘူး၊ဖရုံအုပ်စု (Cucurbitaceae)
ဒိီအုပ်စုမှာတော့ သခွား၊ သခွားမွှေး၊ ဖရဲ၊ ပဲလင်းမြွေ၊ ကြက်ဟင်းခါး၊ ရွှေဖရုံ၊ ကျောက်ဖရုံ၊ ခ၀ဲသီး၊ ဘူး တို့ပါ၀င်ပါတယ်။
-အာလူးခရမ်းချဥ်အုပ်စု(Solanaceae)
ယခုအုပ်စုထဲမှာ အာလူး၊ခရမ်းချဥ်၊ ခရမ်းသီး၊ ငရုတ်သီးတို့ပါ၀င်ပါတယ်။
-ပဲမျိုးနွယ်အုပ်စု (Leguminaceae)
ပဲတောင့်ရှည်၊ ရွှေပဲသီး၊ပဲပုပ်၊ ပဲစောင်းလျားသီး၊ ဗိုလ်ကိတ်ပဲ၊ ပဲကြီး၊ကုလားပဲ၊ ပဲတီစိမ်း၊ ပဲလွမ်း၊ စွန်တာနီပဲ၊ ပဲထောပတ်၊ ပဲကျား၊ ပဲစင်းငုံ၊ ပဲဖြူလေး၊ မတ်ပဲ တို့ပါ၀င်ပါတယ်။
(၂) အပူအအေးလိုအပ်ချက်အရ ခွဲခြားခြင်း(ဥပမာနှင့်တကွဖော်ပြထားပါတယ်)
အအေးကြိုက်သောဟင်းသီးဟင်းရွက်အများစုကို အခြေခံအားဖြင့် တောင်ပေါ်ဒေသများတွင်တစ်နှစ်ပတ်လုံးစိုက်ပျိုးကြပြီး မြေပြန့်ဒေသများတွင် ဆောင်းရာသီ၌သာစိုက်ပျိုးကြပါတယ်။(ဂေါ်ဖီထုပ်၊ မုန်ညှင်းထုပ်၊ နိကိုဥ၊ သကြားမုန်လာ၊ ဂေါ်ဖီထုပ်၊ မုန်လာဥနီ၊ တရုတ်နံနံ၊ ပန်းဂေါ်ဖီစိမ်းတို့ပါ၀င်ပါတယ်)
အနွေးဓာတ်ကြိုက်သော ဟင်းသီးဟင်းရွက်အုပ်စုများကို အခြေခံအားဖြင့် မြေပြန့်ဒေသများတွင်တစ်နှစ်ပတ်လုံး စိုက်ပျိုးနိုင်ကြပြီး တောင်ပေါ်ဒေသတွင် နွေဦးရာသီမှာ စိုက်ပျိုးကြပါတယ်။(သခွား၊ မုန်လာဥဖြူ၊ ပဲတောင့်ရှည်၊ ဟင်းနုနွယ်)
(၃) အသုံးပြု၍ရနိုင်သောအစိတ်အပိုင်းအလိုက်ခွဲခြားခြင်း(ဥပမာနှင့်တကွဖော်ပြထားပါတယ်။)
-အရွက်စားသုံးသော အပင်များ
မုန်ညှင်း၊ ကန်စွန်းရွက်၊ ကိုက်လန်၊ ကန်စွန်းဥရွက်၊ နံနံ၊ ဟင်းနုနွယ်၊ ဒန့်သလွန် တို့ပါ၀င်ပါတယ်။
-အသီးစားသုံးသော အပင်များ
ခရမ်းသီး၊ ခရမ်းချဥ်သီး၊ ဘူး၊ ဖရုံ၊ သခွား၊ သခွားမွှေး၊ ဖရဲသီးတို့ပါ၀င်ပါတယ်။
-အမြစ်ပိုင်းကိုစားသုံးရသောအပင်များ
မုန်လာဥဖြူ၊ မုန်လာဥနီ၊ ကြက်သွန်၊ ကြက်သွန်ဖြူ၊ အာလူးတို့ဖြစ်ပါတယ်။
-အပွင့်ကိုစားသုံးရသောအပင်များ
ပန်းဂေါ်ဖီစိမ်း၊ ပန်းဂေါ်ဖီ၊ ဖရုံပွင့်၊ မုန်ညှင်းဖြူပွင့်၊ ပေါက်ပန်းဖြူပွင့်၊ ငှက်ပျော်ဖူး
-အစေ့ကိုစားသုံးရသောအပင်များ
ပဲပင်ပေါက်၊ပဲပုပ်စေ့၊ ပဲတောင့်ရှည်စေ့၊ ရွှေပဲသီးစေ့တို့ဖြစ်ပါတယ်။
အထက်ပါဖော်ပြခဲ့သောနည်းလမ်း၃လမ်းအရ ဟင်းသီးဟင်းရွက်အုပ်စုမျိုးများကိုလွယ်ကူစွာခွဲခြားနိုင်ပါတယ်။ ဒါဟာ မိမိတို့စိုက်ပျိုးတဲ့အခါမှာ များစွာအထောက်အကူပြုမှာဖြစ်ပါတယ်။
![Myanmar Net NEWS ® မြန်မာနက်](https://shwe.net/news/wp-content/themes/click-mag/images/logos/logo.png)