အပင်များတွင်ရောဂါအလွယ်တကူ ၀င်ရောက်စေနိုင်သော အကြောင်းရင်းများနှင့် ကာကွယ်နှိမ်နင်းနည်း

အပင်များတွင် ရောဂါကျရောက်မှုကြောင့် အပင်၏အထွက်နှုန်းကော အရည်အသွေးကော ကျဆင်းစေနိုင်ပါတယ်။

ရောဂါအလွယ်တကူ ၀င်ရောက်စေနိုင်သော အကြောင်းရင်းများမှာ

-အပင်အတွက် လိုအပ်သော သတ္တုဓာတ်၊ ဆားဓာတ်၊ များလွန်းခြင်းကြောင့် အပင်ကို အဆိပ်ဖြစ်စေခြင်း

-အပင်အတွက် လိုအပ်သော သတ္တုဓာတ်၊ ဆားဓာတ်များ နည်းလွန်းခြင်းကြောင့် အပင်လှိခြင်းဖြစ်ပြီး ရောဂါအလွယ်တကူ၀င်ရောက်နိုင်ပါတယ်။

-အပင်အား ရေခြောက်စေခြင်း၊ ရေများလွန်းစေခြင်းစသည့် အခြေအနေများတွင် ရောဂါလွယ်ကူစွာ၀င်ရောက်နိုင်ပါတယ်။

-အပင်များ ဒဏ်ရာရရှိခြင်းမှတစ်ဆင့် ရောဂါ၀င်ရောက်နိုင်ပါတယ်။(ဥပမာ မိုးပေါက်၍ မြေကြီးသဲငယ်မျာ အပင်အား ထိမှန်ပြီး ဒဏ်ရာရစေခြင်း)

-ပတ်၀န်းကျင်အခြေအနေဖြစ်သော မိုးအုံ့ဆိုင်းနေခြင်း၊ အစိုဓာတ်၊ အပူချိန်ပြောင်းလဲဖြစ်ပေါ်ခြင်းအခြေအနေတွင် ရောဂါပိုးများ ပျံ့နံ့မှု ပိုမို၍ အခွင့်သာစေပါတယ်။

-အသုံးပြုသော ကိရိယာ တန်ဆာပလာများမှ တစ်ဆင့်လည်း ၀င်ရောက်နိုင်ပါတယ်။

နှိမ်နင်းနည်း

(၁)ရောဂါကင်းသည်ဟု ထောက်ခံထားသောမျိုးစေ့များကိုသာ၀ယ်ပါ

(၂) သီးနှံအလှည့်ကျစိုက်ပါ။

(၃)စိုက်ပျိုးသည့်မြေကို ပိုးသန့်စင်ပါ။(မြေဘောင်ကိုရေနွေးပူလောင်နိုင်ပါတယ်)

(၄)စိုက်ပျိုးသည့်မြေကို အမြဲသန့်ရှင်းနေစေရန် ပေါင်းမြက် ရှင်းလင်းပေးခြင်းတို့ ပြုလုပ်ပေးပါ

(၅) ဘက်စုံအာဟာရစုံ ပြုပြင်ထာသော မြေပေါ်တွင် နည်းစနစ်ကောင်းမွန်စွာ စိုက်ပျိုးပါ