AGRICULTURE
Anemone(အာနီမိုနီ)ပန်းစိုက်ပျိုးရာတွင် သိထားသင့်သောအချက်များ
သင်ရွေချယ်ထားသည့်အပင်မျိုးစိတ်၏ပွင့်လန်းရာသီပေါ်မူတည်ပြီးစိုက်ပျိုးမည့်အချိန်ကိုရွေးချယ်ပါ။ နွေဦးရာသီတွင်ပွင့်လန်းမည့်အပင်များကိုဆောင်ဦးတွင်စိုက်ပျိုးပြီး ဆောင်းဦးရာသီတွင်ပွင့်လန်းမည့်အပင်များကိုနွေဦးတွင်စိုက်ပျိုးပါ။ ကွဲပြားသော anemoneပင်မျိုးစိတ်များတွင်မတူညီသောအမြစ်ပုံစံများရှိကြပြီး စိုက်ပျိုးရမည့်နည်းလမ်းများမှာလည်းအမျိုးအစားတစ်ခုနှင့်တစ်ခုအနည်းငယ်ကွာခြားကြပါတယ်။ပုံမှန်အားဖြင့်anemoneပင်များကို အွန်လိုင်း သို့မဟုတ် လက်လီရောင်းချသူများထံမှဝယ်ယူထားသော အမြစ်ပင်စည်ပြောင်များမှစိုက်ပျိုးကြပါတယ်။
အလင်း
Anemoneပင်များကိုအနည်းဆုံးနေ့တစ်ဝက်စာလောက်ထိနေအလင်းရောင်ရရှိနိုင်သောနေရာများတွင်ထားရှိသင့်ပါတယ်။ တချို့မျိုးကွဲများကတော့အရိပ်အနည်းငယ်ရရှိသောနေရာတွင်ပိုမိုရှင်သန်ကြီးထွားကြပါတယ်။
မြေ
anemoneပင်များကိုရေကောင်းစွာစုပ်ယူထားသောမြေတွင်စိုက်ပျိုးရပါမယ်။ မစိုက်ပျိုးခင်တွင်စိုက်ပျိုးမြေကိုသစ်ရွက်ဆွေးမြေသြဇာ၊သစ်ရွက်မှိုနှင့်အခြားသဘာဝမြေသြဇာများထပ်ထည့်ပြီးပိုမိုကောင်းမွန်စေရန်မွမ်းမံနိုင်ပါတယ်။ anemoneပင်များဟာစိုက်ပျိုးမြေ၏အက်ဆစ်ဓာတ်အပေါ်ကြေးမများကြပေမယ့်အက်ဆစ်ဓာတ်အနည်းငယ်ရှိသောမြေတွင်ပိုမိုရှင်သန်ကြီးထွားကြပါတယ်။
ရေ
အပင်များကိုမိုးမရွာသည့်အချိန်များတွင်ရေပုံမှန်လောင်းပေးပါ။ မြေကြီးကိုအနည်းငယ်စိုစွတ်အောင်ထားပါ။ မြေကြီးကိုရေရသမျှစုပ်ယူနိုင်စေရန်ရေလောင်းသည့်အခါတွင်ဖြည်းဖြည်းချင်းလောင်းပါ။ အချို့anemoneပင်များဟာထူးခြားသောရေလိုချက်ရှိကြပါတယ်၊ဥပမာ သစ်အနီမုန်းပင်(A. nemorasa)ဟာနွေရာသီအလည်တွင်သေဆုံးပြီးဆောင်းဦးရာသီတွင်ပြန်လည်ပွင့်လန်းချိန်မတိုင်မီထိရေလောင်းရန်မလိုအပ်ပါ။
အပူချိန်နှင့်စိုထိုင်းဆ
anemoneပင်များစိုက်ပျိုးရန်အတွက်အကြံပြုထောက်ခံထားသောအပူချိန်ဟာနေ့ခင်းဘက်တွင် 58မှ65ဒီဂရီဖာရင်ဟိုက်နှင့်ညဘက်တွင် 42မှ50ဒီဂရီဖာရင်ဟိုက်တို့ဖြစ်ကြပါတယ်။ အချို့သောမျိုးစိတ်များအတွက်ပန်းပွင့်စေရန်အကောင်းဆုံးအပူချိန်ဟာ 54ဒီဂရီဖာရင်ဟိုက်အောက်ထိဖြစ်နိုင်ပါတယ်။
ဓာတ်မြေသြဇာ
အကယ်၍ဆန္ဒရှိပါကအပင်အဖူးများကိုအာဟာရတိုးမြှင့်ပေးရန်အတွက်bone mealမြေသြဇာများထည့်ပေးနိုင်ပါတယ်။